მოძრაობა „პარტიზანული მებაღეობის“ დამფუძნებლის ნატა ფერაძის განცხადებით, გარემოსდამცველები მერიის წინ ყოველდღე 6-და 9 საათამდე აქციებს გამართავენ.

როგორც „ექსპრესნიუსს“ ფერაძემ განუცხადა, პირველი მასშტაბური აქცია დღეს დაანონსდება.

„ყოველდღე, საღამოს 6-დან 9 საათამდე ვიქნებით მერიასთან და ხელმოწერებს შევაგროვებთ. დღეს საღამოს მასშტაბურ აქციას დავაანონსებთ. ჩვენ „ახალგაზრდა იურისტთა ასოციაციაში“ ვიყავით და დაჩქარებული წესით შევიტანეთ სასამართლოში სარჩელი, რომ მერიის წინ კარვების დადგმის უფლებას არ გვაძლევენ. თუ სასამართლომ არ დააკმაყოფილა სარჩელი, ბრძოლას გავაგრძელებთ, რომ კარვების დადგმის უფლება გვქონდეს. პროტესტი გაგრძელდება იქამდე, სანამ ეკოლოგიის და გამწვანების სამსახურის რეორგანიზაცია და ამ სამსახურის თავმჯდომარისა დ ამისი მაოდგილის გადაყენება არ მოხდება. დავით ნარმანიას განცხადება, რომ მას სიტუაციის დამარეგულირებელი გეგმა მზად აქვს, არის მიუღებელი. ჩვენ გვინდა დავრწმუნდეთ, რომ ეს კარგი გეგმაა, მაგრამ ამ გეგმის დამტკიცებამდე აუცილებლად უნდა გავეცნოთ მას. ნარმანია მონოლოგის რეჟიმშია და კარგი იქნება თუ ეს პროცესი მონოლოგის რეჟიმში გაგრძელდება“, - აცხადებს ფერაძე.

შეგახსენებთ, რომ „პარტიზანმა მებაღეებმა“ მერიასთან პროტესტის გამოხატვა 17 აგვისტოს მას შემდეგ დაიწყეს, რაც ყაზბეგის გამზირის 24 ნომერში სამშენებლო კომპანია „ორბი ჯგუფმა“ მერიის ნებართვით ხეების მოჭრა დაიწყო.  აქციის მონაწილეების მთავარი მოთხოვნა მერიის ეკოლოგიისა და გამწვანების სამსახურის უფროსის ნინო სულხანიშვილის თანამდებობიდან წასვლაა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სახალხო დამცველმა ისაუბრა დაკავებულების გაშიშვლების, მათ შორის არასრულწლოვანთა ცემის, გაუპატიურების მუქარაზე პოლიციის მხრიდან

ყაზახეთმა და ევროკავშირმა ბრიუსელში არაერთ სტრატეგიულ დოკუმენტს მოაწერეს ხელი

სახახო დამცველმა ივანიშვილის რეჟიმის მიღებული დრაკონული და ადამიანის უფლებების შემზღუდავი კანონები გააკრიტიკა

საქართველოს ბანკის ბიზნეს 360˚-ის ფარგლებში, ქოფირაითინგის ვორკშოპი გაიმართება