ტერაქტის მზადების საქმეზე დაკავებული ბექა ბექაურის ადვოკატი მაია ჭრელაშვილი აცხადებს, რომ საქმის მასალებში აღნიშნულია, რო დაკავებულები შესაძლოა, ვაჰაბიზმის მიმდევრები არიან.

„საქმეში დევს "ფეისბუქის" გვერდები, მითითება არის, რომ სავარაუდოდ ვაჰაბიზმის მიმდევრები არიან. ახლაც ბექაურს ჰკითხა გამომძიებელმა და უთხრა, რომ არ ვართ მიმდევრებიო. ის აღიარებს იმას, რომ აპირებდა ტერორისტულ აქტს უშუალოდ რუსულ, ოკუპირებულ ტერიტორიაზე, საქართველოსთან ამას კავშირი არ აქვს”, - აღნიშნა ადვოკატმა.

როგორც ჭრელაშვილმა ჟურნალისტებს განუცხადა, მისი დაცვის ქვეშ მყოფი ვაჰაბიზმის მიმდევრობას კატეგორიულად გამორიცხავს და ამბობს, რომ ”ისლამური სახელმწიფოს” დროშის ფონზე სურათი მიზანმიმართულად არ აქვს გადაღებული.

ადვოკატის თქმით, ბექაურმა გამომძიებელს დაუდასტურა, რომ მართლმადიდებელი ქრისტიანია და სხვა რელიგიასთან შემხებლობა არ აქვს.

“ჩემმა დაცვის ქვეშ მყოფმა აღნიშნა, რომ აფეთქებას მხოლოდ ის გეგმავდა. ამბობს, რომ ამ საქმეში სხვა არავინ არ არის, უცხო, მუსლიმური სამყაროს წარმომადგენლები. მე თვითონ მოვაგროვე ეს იარაღიო, სამი წელი ვაგროვებდი და ჩემი პირადი საკუთრებააო, ჯარისკაცი ვარ და არ გამიჭირდებოდა იარაღის შეგროვებაო”, - აღნიშნა ადვოკატმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დემოკრატი სენატორი რუსეთის წინააღმდეგ სანქციების დაწესებას მოუწოდებს „ლინდსი გრეჰემის ხსოვნისადმი“

ირანი აცხადებს, რომ ქუვეითში ამერიკული HIMARS-ის რაკეტმზიდები გაანადგურა

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის