2016-08-12 13:45:51, 739 ნახვა
საზოგადოება
ჯავახიშვილი: მომავალი დიდგორობისთვის დიდგორის ველზე ახალი ინგრასტრუქტურა მზად იქნება
„მომავალი დიდგორობისთვის დიდგორის ველზე ახალი ინფრასტრუქტურა უკვე მზად იქნება“,-ამის შესახებ რეგიონული განვითარებისა ფა ინფრასტრუქტურის მინისტრმა ნოდარ ჯავახიშვილმა ჟურნალისტებს განუცხადა.
მისივე თქმით, მზად არის პროექტი, რომლის მიხედვითაც, მცხეთიდან დიდგორამდე დაახლოებით 26 კილომეტრიანი გზა გაკეთდება.
„იმედი გვაქვს, პროექტს მომავალი დიდგორბოსთვის დავამთავრებთ. აქ იქნება უკეთესი ინფრასტრუქტურა, მოეწყობა გადასახედები, მემორალიარი შელამაზადება მერაბ ბერძენიშვილის მითითებებით, გაკეთდება ავტოსადგომები და საპირფარეშოები. ეს არ იქნება მხოლოდ დიდგორზე მოსასვლელი გზა, არამედ სამხრეთ საქართველო დაუკავშირდება მცხეთას და აქედან უკვე - მალე ავტობანს. საკმაოდ მნიშვნელოვანი გზა იქნება“,-განაცხადა ჯავახიშვილმა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
