თურქეთის ხელისუფლება 3 ათასს მოსამართლესა და პროკუროს ქონებას ჩამოართმევს, - ამის შესახებ თურქული მედია იუწყება.

როგორც მედია საშუალება წერს, უძრავი და მოძრავი ქონების კონფისკაცია შეეხება იმ მოსამართლეებსა და პროკურორებს, რომლებიც ფეთჰულა გიულენთან შესაძლო კავშირის გამო სამსახურიდან გაათავისუფლეს. 

თურქეთის საპარლამენტო ოპოზიციის წამომადგენელი, სახალხო-რესპუბლიკური პარტიის ლიდერი ქემალ ქილიჩდაროღლუ პრეზიდენტ ერდოღანს მოუწოდებს, რომ “კუდიანებზე ნადირობა” შეწყვიტოს. ოპოზიციონერი მიიჩნევს, რომ ხელისუფლების ქმედებების გამო შესაძლოა, უდანაშაულო ხალხი დაზარალდეს. ამავე დროს, პოლიტიკოსმა გიულენის მომხრეთა წინააღმდეგ მკაცრი ზომების განხორციელებას მხარი დაუჭირა.

თურქეთში სამხედრო გადატრიალების მცდელობის შემდეგ დააკავეს ან სამსახურიდან გაათავისუფლეს 60 ათასამდე ადამიანი.

შეგახსენებთ, რომ თურქეთში სამხედრო გადატრიალების მცდელობა იყო, რის შედეგადაც 290-ზე მეტი ადამიანი გარდაიცვალა, 1 400-ზე მეტი კი დაშავდა. ცნობისთვის, მუსლიმ მქადაგებელს ფეთჰულა გიულენს ანკარა ამბოხის ორგანიზატორად მიიჩნევს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მეუფე მიქაელი სინდისის პატიმრებზე: დიდი სიამოვნებით გამოვუშვებდი ყველას

რუსეთში ნავთობგადამამუშავებელ ქარხნებზე უკრაინული დრონების დარტყმების გამო, ბენზინის დეფიციტია

პაპუაშვილი პოლიტპატიმრების შეწყალებაზე: შენდობას წინ ყოველთვის უძღვის სინანული

მდინარაძე პოლიტპატიმრების შეწყალებაზე: სადაც პრეზიდენტის დისკრეციული უფლებამოსილება არსებობს, მას რეკომენდაციაც კი შეიძლება ეზედმეტოს