პრეზიდენტ გიორგი მარგველაშვილის სიძემ, მინდია გოგოჭურმა, საქართველოს მთავარი პროკურატურის შენობა დატოვა.

გოგოჭურის გამოკითხვა ოთხი საათის განმავლობაში მიმდინარეობდა. იგი საგამოძიებო უწყებაში ადვოკატ სოსო ბარათაშვილთან ერთად იმყოფებოდა

როგორც ბარათაშვილმა აღნიშნა, მინდია გოგოჭურის მიმართ ადგილი ჰქონდა კანონის უხეშ დარღვევას, რადგან მიდმინარე წლის 28 ივნისს მას სამართალდამცველების მიერ მიმოსვლის თავისუფლება ჰქონდა შეზღუდული.

„ეს ყველაფერი უხეში დარღვევებით არის ჩატარებული. თავის მხრივ, ეს იძლევა ეჭვის საფუძველს,  რომ ეს ყველაფერი გარკვეულ მიზანს ემსახურება. დამკავებელი პირებისთვის კარგად იყო  ცნობილი მინდია გოგოჭურის პრეზიდენტთან ნათესაური კავშირის შესახებ . მათ ეს არც დაუმალავთ . იყო საკმაოდ აგდებული დამოკიდებულბა, როდესაც მან მოითხოვა ადვოკატი, თავი ევროპაში ხომ არ გგონიაო. როგორც მითხრეს, გამოძიება მიმდინარეობს უფლებამოსილების გადამეტების ფაქტზე სამართალდამცავების მიერ“, - განაცხადა სოსო ბარათაშვილმა.

მინდია გოგოჭურს გამოკითხვის შემდეგ კომენტარი არ გაუკეთებია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დემოკრატი სენატორი რუსეთის წინააღმდეგ სანქციების დაწესებას მოუწოდებს „ლინდსი გრეჰემის ხსოვნისადმი“

ირანი აცხადებს, რომ ქუვეითში ამერიკული HIMARS-ის რაკეტმზიდები გაანადგურა

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის