აჭარის მთავრობის თავმჯდომარე ზურაბ პატარაძე ოლიმპიური თამაშების მონაწილეებს შეხვდა. ამის შესახებ "ექსპრესნიუსს" აჭარის მთავრობის ადმინისტრაციის პრესსამსახურიდან აცნობეს.

2016 წლის 5 აგვისტოს სტარტს აიღებს რიოს 31-ე ოლიმპიური თამაშები, სადაც საქართველოდან სპორტსმენების უპრეცედენტო რაოდენობა იქნება წარმოდგენილი. 39 სპორტსმენი 13 სახეობაში იასპარეზებს, ამათგან 6 სპორტსმენი აჭარის რეგიონიდან.

ოლიმპიადის წარმომადგენლები დღეს უკვე ქ.თბილიში მიემგზავრებიან. აჭარის მთავრობის თავმჯდომარემ მათ ოლიმპიადაზე წარმატებული ასპარეზობა და გამარჯვება უსურვა: ,,თქვენ ემსახურებით მშვიდობას, ცხოვრების ჯანსაღი წესის დანერგვასა და ქვეყნის პოპულარიზაციას. მინდა გისურვოთ წარმატებები და ოლიმპიადიდან კარგი შედეგებით დაბრუნება''.

შეხვედრას ოლიმპიადაში მონაწილეების გარდა ესწრებოდა აჭარის განათლების, კულტურისა და სპორტის მინისტრი გიორგი თავამაიშვილი, აჭარის სპორტისა და ახალგაზრდობის საქმეთა დეპარტამენტის უფროსი მუხრან ვახტანგაძე, ასევე მშვილდოსნობის ეროვნული ნაკრების მწვრთნელი - თამაზ ფუტკარაძე, აჭარის ძალოსნობის ნაკრების მწვრთნელი - ბესარიონ ბასილია და აჭარის ჭიდაობის ნაკრების მწვრთნელები - ჯემალ კილაძე და ავთანდილ ბერიძე. 

საქართველოს სახელით აჭარის რეგიონიდან იასპარეზებენ: შმაგი ბოლქვაძე (ბ/რ ჭიდაობა), ხათუნა ნარიმანიძე (მშვილდოსნობა), იულია ლობჟანიძე (მშვილდოსნობა), ვარლამ ლიპარტელიანი (ძიუდო), ამირან პაპინაშვილი ( ძიუდო), ირაკლი თურმანიძე (ძალოსნობა) მაქსიმალურად დაიხარჯებიან ოლიმპიური მედლების მოსაპოვებლად.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს

მოქალაქეების 71% მხარს უჭერს ქვეყნის ევროკავშირში გაწევრიანებას, თუმცა 49% მიიჩნევს, რომ საქართველო ევროინტეგრაციის პროცესში არასწორი მიმართულებით მიდის

ლელო: სააკაშვილის განცხადება პოლიტიკური განხეთქილების შექმნის მცდელობაა