ნიცაში მომხდარ, სავარაუდოდ ტერორისტულ აქტს 10 ადამიანი ემსხვერპლა

2016-07-15 01:50:30, 1538 ნახვა

მსოფლიო

რამდენიმე წუთის წინ ნიცაში, საფრანგეთში ხალხმრავალ ადგილას სატვირთო ავტომობილი შევარდა. ფრანგული მედიის ინფორმაციით დაღუპულია 10 ადამიანი. დაშავებულთა შესახებ ინფორმაცია ამ დრომდე არ ვრცელდება.

როგორც ცნობილი ხდება, ადგილზე ადგილობრივი მოსახლეობა და ტურისტები ბასტილიის აღების დღეს აღნიშნავდნენ, რა დროსაც მოულოდნელად ტერიტორიაზე სატვირთო ავტომობილი შევარდა.

ამ წუთისთვის მომხდარიდან გამომდინარე ქალაქში პანიკაა. შემთხვევის ადგილის მიმდებარე ტერიტორიას მოქალაქეები სირბილით ტოვებენ. ფრანგული ტელევიზიები შემთხვევას ტერორისტულ აქტს უწოდებენ. სხვა დეტალები ჯერჯერობით უცნობია.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან