ნემცოვის მკვლელობაში პასუხისმგებლობა „რუსიჩის“ წევრებმა აიღეს

2015-03-04 17:52:50, 1225 ნახვა

მსოფლიო

რუსი ოპოზიციონერის ბორის ნემცოვის მკვლელობაში პასუხიმგებლობა სამმა მამაკაცმა აიღო, რომლებიც საკუთარ თავს „ნოვოროსიის“ პარტიზანთა დაჯგუფება „რუსიჩის“ წევრებს უწოდებენ.
პარტიზანულმა დაჯგუფებამ ვიდეო სოციალურ ქსელში გაავრცელა.
„რუსიჩის“ წევრების თქმით, ბორის ნემცოვის მკვლელობით 1 მარტს მოსკოვში დაგეგმილი ანტიკრიზისული მარშის გაზაფხულის ჩაშლა სურდათ.
„ჩვენ „ნოვი როსიის“ პარტიზანები, „რუსიჩის“ წევრები მარშის წინა დღეს მოსკოვის მერიის გამყიდველობის მიუხედავად, „ნოვი როსიის“ სამხედრო საბჭოზე მივიღეთ გადაწყვეტილება და სისრულეში მოვიყვანეთ განაჩენი პროამერიკელ ნემცოვთან დაკავშირებით, რომელიც მთელი თავისი სიცოცხლის განმავლობაში ყიდდა ჩვენს სამშობლოს, ჩვენს ხალხს. ეს იყო ჩვენი სურვილი მოგვეწყო საჩვენებელი აქცია. თუ რუსეთის გამყიდველები გონს არ მოეგებიან და არ შეწყვეტენ ანტი სახალხო მოძრაობას, ამ შემთხვევაში მათთვისაც ასეთი განაჩენი იქნება გამოტანილი“,- აღნიშნა დაჯგუფების ერთ-ერთმა წევრმა.
შეგახსენებთ, რომ 27 თებერვალს, რუსი პოლიტიკოსი და ოპოზიციის ერთ-ერთი ლიდერი ბორის ნემცოვი, მოსკოვის ცენტრში მოკლეს. მას 6-ჯერ ესროლეს, რომელთაგან 4 მოხვდა.