თბილისის იუსტიციის სახლში 13 ივლისს მიგრაციის საკითხთა სამთავრობო კომისიის რიგით მე-17 პლენარული სხდომა გაიმართა. სხდომას იუსტიციის მინისტრი, მიგრაციის საკითხთა სამთავრობო კომისიის თავმჯდომარე თეა წულუკიანი უძღვებოდა. ამის შესახებ "ექსპრესნიუსს" იუსტიციის სამინისტროდან აცნობეს.
 
უწყების ინფორმაციით, შეხვედრაზე  ევროკავშირთან სავიზო რეჟიმის ლიბერალიზაციის სამოქმედო გეგმის ფარგლებში მიგრაციის სფეროში გრძელვადიანი ამოცანების შესრულების მდგომარეობა განიხილეს. გარდა ამისა, სხდომის მონაწილე მხარეებმა კომისიის ფარგლებში მოქმედი და ახლად ჩამოყალიბებული სამუშაო ჯგუფების მიერ ბოლო სამი თვის საქმიანობის ანგარიში მოისმინეს. 
 
აღსანიშნავია, რომ მიგრაციის კომისიის ფარგლებში შემუშავდა მიგრაციის მარეგულირებელი საკანონმდებლო რეფორმები, რომელიც გასული წლის დეკემბერში დადებითად შეფასდა ევროკომისიის მიერ და ევროკავშირთან  უვიზო მიმოსვლის მინიჭების შესახებ მომზადებულ დასკვნაში მნიშვნელოვანი ადგილი დაიკავა. 

მიგრაციის საკითხთა სამთავრობო კომისია 2010 წლის ოქტომბერში შეიქმნა. ის  მთავრობის სათათბირო ორგანოა, რომელიც მსჯელობს და გადაწყვეტილებებს იღებს მიგრაციის მართვასთან დაკავშირებულ სხვადასხვა აქტუალურ საკითხზე. კომისია 13 სახელმწიფო უწყებას აერთიანებს და მას იუსტიციის მინისტრი ხელმძღვანელობს.

(ns)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რეჟიმი გეგმავს მოქალაქეთა პირადი ცხოვრება აკონტროლოს, უცხოელზე დაქორწინებას კომისია შეისწავლის

ბოკუჩავა - ენმ-ს გარე აუდიტი არ სჭირდება იმის აღსაქმელად, რომ მძიმე გამოწვევების წინაშე ვდგავართ

თუ სიჩქარის მცირედი გადაჭარბება იქნება, მძღოლი 50 ლარით დაჯარიმდება, ჯარიმები გაიზრდება - დარახველიძე

საქართველოში შექმნილია სასათბურე პირობები ირანის ტერორისტული რეჟიმის ქსელისთვის – დროა