სამგორის რაიონის სოფელ წინუბანში საბავშვო ბაგა-ბაღის აღდგენა-რეკონსტრუქცია  მიმდინარეობს.

თბილისის მერიის ინფორმაციით, თბილისს შემოერთებულ სოფელში საბავშვო ბაღი 1999 წელს დაიხურა და იმ დროიდან ადგილობრივებს ბავშვების ტარება რამდენიმე კილომეტრის მოშორებით დიდი ლილოს ბაღსა და ნასაგურის დასახლებაში უწევდათ.

მათივე ცნობით, აღდგენა-რეკონსტრუქციის პროცესს თბილისის მერი დავით ნარმანია ადგილზე გაეცნო და მოსახლეობას გაესაუბრა.

„ამ დასახლებას, თითქმის, 20 წელია საბავშვო ბაღის პრობლემა აქვს, ბაღი იყო დახურული და შესაბამისად, ვაგვარებთ ამ პრობლემას -აღვადგენთ 350 ბავშვზე გათვლილბაღს, რომელიც აღჭურვილი იქნება ისე, რომ სრულად უპასუხებს თანამედროვე სტანდარტებს, ისევე როგორც ყველა ახლადაშენებული და ჩვენს მიერ აღდგენილი ბაღი. წლის ბოლომდე დავასრულებთ სარემონტო-სამშენებლო სამუშაოებს, იანვარში აღიჭურვება შენობა, ახალი სეზონის დასაწყისში კი გავხსნით ამ საბავშვო ბაღს და შესაბამისად, წინუბნის დასახლებას მთლიანად მოვუგვარებთ საბავშვო-ბაღთან დაკავშირებულ პრობლემას,“-განაცხადა თბილისის მერმა დავით ნარმანიამ.

მოსახლეობისმოთხოვნის გათვალისწინებით,ავარიული შენობის აღდგენა-რეკონსტრუქციის პროცესი ორი თვის წინ დაიწყო და გეგმის თანახმად წლის ბოლომდე დასრულდება.

ცნობისთვის, საბავშვო ბაღში 10 ჯგუფი გაიხსნება, მათ შორის, ორი - ბაგა.

გარდა წინუბნის ბაღის აღდგენისა, თბილისთან შემოერთებულ კიდევ ორ ტერიტორიაზე-სოფელ გლდანსა და სოფელ დიღომში წელს ახალი საბავშვო ბაღების მშენებლობა  დაიწყება.

თბილისის მერთან ერთად,წლების წინ დახურული საბავშვო ბაღის აღდგენის პროცესს დღეს ბაგა-ბაღების მართვის სააგენტოს დირექტორი თემურ თორდინავა, სამგორის რაიონის გამგებელი გიორგი ბაგრატიონი და საკრებულოს დეპუტატები გაეცნენ. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია