თურქეთის პოლიციამ სტამბოლში ათათურქის აეროპორტში მომხდარ ტერაქტთან კავშირში ეჭვმიტანილი 13 პირი დააკავა, - ამის შესახებ თურქული ტელეკომპანია NTV იუწყება.

მედია საშუალების იფნორმაციით, დაკავებულთა შორის 3 უცხოელია. სპეცოპერაცია ერთდოულად სტამბოლში 16 მისამართზე ჩატარდა.

გარდა ამისა, თურქეთის სამართალდამცველებმა იზმირში რეიდების დროს "ისლამურ სახელმწიფოსთან"  სავარაუდო კავშირში მყოფი 9 ადამიანი დააკავა.

დაკავებულები ეჭვმიტანილი არიან ტერორისტული დაჯგუფების დაფინანსებასა და ლოჯისტიკურ მხარადჭერაში, ასევე ახალი წევრების აყვანაში.

შეგახსენებთ, რომ ათათურქის აეროპორტში ტერაქტის შედეგად, ბოლო მონაცმებით, 50 ადამიანი გარდაიცვალა და 147 დაშავდა.

სამმა თვითმკვლელმა ტერორისტმა ჯერ “კალაშნიკოვის” ტიპის იარაღიდან გახსნა ცეცხლი, შემდეგ კი თავი აიფეთქა.

ტერაქტზე პასუხისგებლობა ამ დრომდე არავის აუღია, თუმცა თურქეთის ხელისუფლება ვარაუდობს, რომ აეროპორტზე თავდასხმა “ისლამური სახელმწიფოს” მებრძოლებმა განახორციელეს.

მსხვერპლთა შორის არიან უცხო ქვეყნის მოქალაქეები.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

The Economist - უკრაინამ სამი წლის განმავლობაში პირველად აიღო ინიციატივა ფრონტის ხაზზე

ზურაბიშვილმა ახალ პატრიარქს მოუწოდა, შეიწყალოს ყველა სინდისის პატიმარი

„რეალური მოლაპარაკებები აღარ მიმდინარეობს“ - უკრაინა ემზადება ომის გასაგრძელებლად აშშ-ის დახმარების გარეშე

პატრიარქმა კირილმა შიო III-ს მშვიდობიანი და კურთხეული პატრიარქობა უსურვა