საქართველოს მორაგბეთა ეროვნულმა ნაკრებმა მორიგი გამარჯვება მოიპოვა. „ბორჯღალოსნებმა“ ამჯერად ტონგოს საკმაოდ ძლიერი ნაკრები დაამარცხა ანგარიშით 23:20. ეს საქართველოს ნაკრებისთვის ოკეანეთის ტურნეს მეორე ტესტ-მატჩი იყო.

მატჩი დღეს დილით, საქართველოს დროით 04:45 საათზე დაიწყო. „ბორჯღალოსნები“ ოკეანეთის ტურნეს მეორე ტესტში ტონგელ „ზღვის არწივებს“, მსოფლიო თასის შემდეგ პირველად დაუპირისპირდნენ. საქართველოს ნაკრები ურთიერთ შეხვედრების ისტორიაში პირველად წინ გავიდა.

მატჩი ფიჯიზე, სუვაში "ეი ენ ზედ" (ANZ) პარკზე გაიმართა.

მატჩის პირველი ნახევარი "ბორჯღალოსნების" გამარჯვებით 16:13 დასრულდა. საქართველოს ნაკრებიდან პირველი ლელო დავით კაჭარავამ დადო, გარდასხვა და საჯარიმო კი ზუსტად კი მერაბ კვირიკაშვილმა შეასრულა.

მეორე ნახევარში, მიუხედავად იმისა, რომ თამაში მნიშვნელოვნად ჩვენი უპირატესობით მიმდინარეობდა, ქულებში გარდასახვა ჭირდა. მერაბ კვირიკაშვილს კიდევ ორჯერ მიეცა ჯარიმით ანგარიშის გაზრდის შესაძლებლობა, რომელიც სამწუხაროდ არაზუსტი იყო.

მალევე „ზღვის არწივებმა“ კიდე ერთი ლელო დადეს და ისედაც დაძაბულ მატჩს ინტრიგა კიდევ შემატეს 16:20.

მატჩის ბოლო წუთები ყველაზე დაძაბული გამოდგა. საბოლოოდ ბურთს დავით კაჭარავა დაეუფლა და ლელო დადო, მან დუბლი გაიფორმა და გამარჯვებაც მოიტანა 23:20.

შეგახსენებთ, საქართველოს ნაკრებისთვის ოკეანეთის ტურნეში ეს მეორე ტესტ-მატჩი იყო. პირველ ტესტში სამოასთან შეხვედრა ფრედ 19:19 დასრულდა. სერიის ბოლო თამაში, 24 ივნისს საქართველოს დროით დილის 7 საათზე გაიმართება, მატჩში საქართველოს ნაკრები მასპინძელ ფიჯას დაუპირისპირდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია