საქართველოს ციხეებისა და გამასწორებელი სერვისების ევროპული ორგანიზაციის (Europris) სრულფასოვანი წევრის სტატუსი მიენიჭა.

როგორც „ექსპრესნიუსს“ სასჯელაღსრულებისა და პრობაციის სამინისტროდან აცნობეს, აღნიშნული გადაწყვეტილება ორგანიზაციის ყოველწლიურ შეხვედრაზე მიიღეს, რომელიც მიმდინარე წლის 13 ივნისს, ჰოლანდიის ქალაქ ზაანდამში გაიმართა.

უწყების ინფორმაციით, ღონისძიებაში, საქართველოს მხრიდან, სასჯელაღსრულებისა და პრობაციის სამინისტროს პენიტენციური დეპარტამენტის ხელმძღვანელი, ზვიად მიხანაშვილი და საერთაშორისო ურთიერთობებისა და ევროინტეგრაციის დეპარტამენტის წარმომადგენელი, ბაქარ ჯიქია მონაწილეობდნენ. შეხვედრაზე ორგანიზაციის სრულფასოვანმა წევრებმა, კენჭისყრის შედეგად, ერთხმად დაუჭირეს მხარი საქართველოს სტატუსის შეცვლას ასოცირებული წევრობიდან სრულფასოვან წევრობამდე, რაც სასჯელაღსრულებისა და პრობაციის სამინისტროს დელეგაციას ხმის მიცემის უფლებას ანიჭებს.

შეხვედრაზე სასჯელაღსრულების სისტემასთან დაკავშირებული  საკითხები განიხილეს, მათ შორის: უცხო ქვეყნის მოქალაქე პატიმრების მდგომარეობა დაწესებულებებში, ევროკავშირის წევრ ქვეყნებს შორის პატიმრების გაცვლა, სასჯელაღსრულების დაწესებულებებში თანამედროვე კომუნიკაციისა და ელექტრონული საშუალებების გამოყენება და სხვა.

ამასთან, ორგანიზაციის წევრობასთან დაკავშირებულ საკითხებზე იმსჯელეს და 2015 წლის საქმიანობის ანგარიში, ასევე, 2016 წლის გეგმა მიიღეს.  

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია