თბილისში, ჯავახიშვილის ქუჩაზე (ელბაქიძის აღმართი) ორმხრივი მოძრაობა სავარაუდოდ 10 დღეში აღდგება. 

ამის შესახებ დედაქალაქის მერმა დავით ნარმანიამ ჟურნალისტებს განუცხადა. 

მისივე თქმით, აღმართზე  მიწისქვეშა კომუნიკაცია სრულად გამოიცვალა და 10 წლის განმავლობაში აღდგენითი სამუშაოების ჩატარების საჭიროება აღარ იქნება. 

„სამუშაოები ძალიან ინტენსიურად მიმდინარეობს. კედელი, რომელიც ჩამოიშალა სრულადაა აღდგენილი. ის  ძალიან მყარი ბეტონის მასით შეივსო. გარდა ამისა, მთლიანად გამოიცვალა მიწისქვეშა კომუნიკაცია, რომ უახლოეს, მინიმუმ  10 წლის განმავლობაში, რაიმე სამუშაოების ჩატარება არ იქნას საჭირო. პრაქტიკულად სამუშაოების ბოლო ფაზა, ანუ გზის საფარის ქვედა ნაწილის მომზადება მიმდინარეობს, რომლის შედეგადაც დაიგება გზის საფარი და ძალიან მოწესრიგებული აღმართი გვექნება. თუ ამინდმა ხელი შეგვიწყო, ორმხრივი მოძრაობა სავარაუდოდ 10 დღეში აღდგება“, – აღნიშნა ნარმანიამ.

შეგახსენებთ, ჯავახიშვილის ქუჩაზე საყრდენი კედელი 12 იანვარს ჩამოიშალა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საქართველოში უფრო მეტი ადამიანი დაუსაქმებელი რჩება, დასაქმების დონე 0.2 პროცენტული პუნქტით შემცირდა

მეუფე იოანე - აშკარაა, რომ გამოცდილება მეუფე შიომ მიიღო უშუალოდ პატრიარქთან ურთიერთობისას

მეუფე ანდრია - 3 კანდიდატია და სამივე მოსალოდნელია პატრიარქი გახდეს

ბაზისბანკის მხარდაჭერით ახალი მასშტაბური კომპლექსი EZO კოლოსისგან შენდება