წყნეთში მდებარე „სმარტის“ და „დანკინ დონატსის“ ობიექტების ეზოში ბავშვთა დაცვის საერთაშორისო დღისადმი მიძღვნილი კვირეულის ფარგლებში „ვისოლ ჯგუფმა“ ზაფხულის სეზონი გახსნა.

სტუმრად მისულმა ბავშვებმა უამრავ აქტივობაში მიიღეს მონაწილეობა. პატარებს შესაძლებლობა ჰქონდათ „სმარტის“ კორპორაციულ გმირ ციყვთან, „დანკინ დონატსის“ მასკოტ დონატსა და ყავასთან, ასევე „ვენდის“ გოგონებთან სამახსოვრო ფოტოები გადაეღოთ.  „ვისოლმა“ კი, საბავშვო სათამაშო მანქანებით მათ მოგზაურობაზე იზრუნა.

„სუპერმარკეტების ქსელი „სმარტი“ და ამერიკული რესტორნების ქსელი „დანკინ დონატსი“ წყნეთში ტავის ერთგულ მომხმარებლებთან და პატარა სტუმრებთან ერთად ზაფხულის სეზონის გახსნას ზეიმობს. ჩვენ ბავსვებისთვის უამრავი გასართობი პროგრამა გვაქვს. პარალელურად მშობებისთვის „ავერსის“ პროფესიონალი ექიმები უფასო კონსულტაციას სთავაზობს, თუ როგორ უნდა გაუფრთხილდნენ ისინი ბავშვებს“, - განაცხადა „ვისოლ ჯგუფის“ საზოგადოებასთან ურთიერთობის სამსახურის მენეჯერი, რუსუდან კბილაშვილმა.

დამატებით, „ავერისის“ კლინიკის პროფესიონალმა პედიატრებმა ბავშვების ჯანმრთელობაზე მათ მშობლებს უფასო კონსულტაციები შესთავაზა, თუ როგორ გაუფრთხილდნენ ისინი ბავშვებს ზაფხულში - მოარიდონ მზეს, გარეთ უქუდოდ არ გაიყვანონ, მეტი სითხე მიაღებინონ,  ჰაერზე ასეირნონ და ასე სემდეგ. „ავერსის“ კლინიკის გარე საკონსულტაციო ცენტრში ბავშვებმა ექიმობანას თამაშიც შეძლეს.

„“ავერსის“ კლინიკა შეუერთდა „ვისოლ ჯგუფის“ საბავშვო კვირეულს. ჩვენი კლინიკის პედიატრები უფასო კონსულტაციას გაუწევენ, როგორც მშობლებს ასევე ბავშვებს, თუ როგორ მოიქცნენ ზაფხულის ცხელ დღეებში. როგორ გაუფრთხილდნენ პატარებს. მე „ავერისის“ კლინიკის სახელით ყველა პატარას ვუსურვებ ჯანმრთელობას და რაც მთავარია ბედნიერ ბავშვობას“, - განაცხადა „ავერსის“ კლინიკის საზოგადოებასთან ურთიერთობის სამსახურის უფროსმა ლალი ბრეგვაძემ.

ცნობისთვის, „ვისოლ ჯგუფმა“ წყნეთში სუპერმარკეტი „სმარტი“ და „დანკინ დონატსი“ რესტორანი 2015 წელს გახსნა და 70-მდე ადგილობრივი მოსახლე დაასაქმა. „ვისოლ ჯგუფმა“ „სმარტის“ ქსელის განვითარება 2010 წელს დაიწყო. ამერიკული რესტორნების უმსხვილეს ოპერატორთან „დანკინ დონატსთან“ კი ფრანჩაიზინგის ექსკლუზიურ ხელშეკრულებას ხელი 2014 წელს მოაწერა. დღესდღეობით საქართველოს დიდ ქალაქებში „სმარტის“ 16 სუპერმარკეტი და „დანკინ დონატსის“ 18 რესტორანი წარმატებით ფუნქციონირებს.

ფოტო რეპორტაჟი

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პოლონელების ხოცვა, უკრაინელების ეთნიკური წმენდა - რატომ დაუპირისპირდა ვარშავა და კიევი ერთმანეთს - ისტორიული ფაქტები

ევროპაში საბრძოლო ველზე სუპერტანკი წარადგინეს, რომელიც რობოტული კოშკურითა და დრონებითაა აღჭურვილი .

ვენსი შვეიცარიაში ირანთან მოლაპარაკებებისთვის ჩავიდა

მზია ამაღლობელი - ელენე ხოშტარიას მდგომარეობის დაიგნორება გაუჭირდებათ - მინდა მას ვუთხრა, რომ მარტო არ არის