საბურთალოს რაიონის გამგეობის პილოტ-პროექტის „მართე შენი ქალაქის“ ფარგლებში, ტრენერ-კონსულტანტების შერჩევის მორიგი ეტაპი გაიმართა. 

როგორც "ექსპრესნიუსს" თბილისის მერიიდან აცნობეს, გაცნობითი ხასიათის შეხვედრა კონსულტანტობის 44 პრეტენდენტთან საბურთალოს რაიონის გამგებელმა ბექა მიქაუტაძემ გამართა.
 
მათივე ინფორმაციით, შეხვედრაზე გამგებელმა პროექტი წარადგინა და კონსულტანტობის პრეტენდენტებს დეტალური ინფორმაცია მიაწოდა პროექტის არსსა და მიზნებზე, განუმარტა მათი უფლება-მოვალეობები, ისაუბრა პროექტის განხორციელების ეტაპებსა და მოსალოდნელ შედეგებზე.

ტრენინგის დასასრულს, კონსულტანტობის კანდიდატებს დაურიგდათ სპეციალური კითხვარი, რომლის მიზანი იყო მოსმენილი ინფორმაციის ანალიზისა და დასკვნის უნარების შეფასება. კანდიდატთა პასუხები პროექტის მმართველი საბჭოს მიერ გათვალისწინებული იქნება პრეტენდენტთა საბოლოო შემადგენლობის შერჩევისას.

„ძალიან პოზიტიური შეხვედრა იყო. კონსულტანტობის კანდიდატებს დეტალურად გავაცანით პროექტის არსი, მიზნები, ის მოლოდინები, რაც ჩვენ პროექტზე მუშაობის დაწყების დღიდან გვაქვს. ვფიქრობ, ნაყოფიერი შეხვედრა იყო, რადგან დავინახეთ, რომ  კანდიდატების მოტივაცია მნიშვნელოვნად გაიზარდა. ჩვენ დიდი მოლოდინები გვაქვს აღნიშნული პროექტიდან, რომლის მიზანია, რომ ჩვენ თავად ვმართოთ ჩვენი ქალაქი. სწორედ ამიტომ დავარქვით მოექტს „მართე შენი ქალაქი“ , - განაცხადა ბექა მიქაუტაძემ.

„მართე შენი ქალაქი“ საბურთალოს რაიონის გამგეობის მორიგი საპილოტე პროექტია, რომლის მიზანი და ამოცანაა რაიონში სწორად ჩამოყალიბებული, ინფორმირებული, მდგრადი და სრულყოფილი ამხანაგობების განვითარება, რომლებიც იქნებიან დამოუკიდებელი და თვითკმარი სუბიექტები, შეძლებენ საკუთარი ქონების მოვლა-პატრონობასა და დამოუკიდებლად განკარგვას. 

კანდიდატების შერჩევა 2016 წლის აპრილში საჯარო კონკურსის გზით დაიწყო. კანდიდატობის მსურველებს საშუალებას ჰქონდათ წარედგინათ რეზიუმე და სამოტივაციო წერილები, საიდანაც მოხდა 44 პრეტენდენტის შერჩევა.

შეხვედრას ესწრებოდნენ პროექტის მმართველი საბჭოს წევრები, მერის მოადგილის აპარატის ხელმძღვანელი, დიდუბის რაიონის გამგეობის წარმომადგენლები და  საპილოტე პროექტის პერსონალი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა