გლდანის რაიონში,  ბოჭორიშვილის ქუჩაზე ახალ, # 35-ე საბავშვო ბაღში სასწავლო პროცესი ხვალიდან დაიწყება. 

როგორც "ექსპრესნიუსს" თბილისის მერიიდან აცნობეს, დაწესებულება თბილისის მერმა დავით ნარმანიამ, საბავშვო ბაგა-ბაღების მართვის სააგენტოს ხელმძღვანელ თემურ თორდინავასთან და საკრებულოს თავმჯდომარე გიორგი ალიბეგაშვილთან ერთად გახსნა. 

მათივე ცნობით, ღონისძიებას ესწრებოდა გლდანის რაიონის გამგებელი დიმიტრი ორმოცაძე. ასევე, მერიისა და საკრებულოს წარმომადგენლები.   

№35 საბავშვო ბაღი ერთ-ერთია იმ ბაღებიდან, რომლებიც 2015 წელს, განსაკუთრებით გაზრდილი მოთხოვნის გათვალისწინებით აშენდა. ბაღი თანამედროვე სტანდარტების გათვალისწინებით მოეწყო და აღიჭურვა. სასწავლო დაწესებულება სხვა ბაღებიდან გადმოყვანილი კვალიფიციური პერსონალით და საკადრო რეზერვის შესაქმნელად გამოცხადებული კონკურსის გზით შერჩეული კადრებით დაკომპლექტდა. ტექნიკური და ადმინისტრაციული პერსონალი კი ბაღების მართვის სააგენტოს ვებ-გვერდზე შემოსული ელექტრონული განაცხადებიდან შეირჩა. ამ დროისთვის, 2-3 წლიანთა ჯგუფის გარდა, რამდენიმე ათეული თავისუფალი ადგილია დარჩენილი.  ბაღი  350 ბავშვზეა გათვლილი.  

„ ეს არის თანამედროვე სტანდარტების საბავშვო ბაღი. აქ ყველაფერი, სათამაშო ოთახი, სამზარეულო,  საძინებელი, მაღალი სტანდარტით არის მოწყობილი.  ეს  იმ 7 -დან ერთ-ერთი დაწესებულებაა, რომლის მშენებლობაც დედაქალაქის ხელისუფლებაში მოსვლისთანავე დავიწყეთ. წელს, ასევე, 10 ახალი საბავშვო ბაღის მშენებლობას ეყრება საფუძველი. გარდა ამისა,  მზადდება კიდევ 13 პროექტი“, - განაცხადა დავით ნარმანიამ. 

ცნობისთვის, თბილისში, მიმდინარე წელს,  კიდევ 5 ახალი საბავშვო საბავშვო ბაღის გახსნა იგეგმება.  მათ შორის, ზემო ფონიჭალაში, წინა წლებში დახურული #206 ბაღი, რომელიც ფუნქციონირებას  მომავალ კვირაში  დაიწყებს.   

2016 წელს დედაქალაქში  კიდევ 10 ახალი საბავშვო ბაღის მშენებლობა დაიწყება.   

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა