ოპერის მომღერალთა დასის წევრებს 26 მაისის ღონისძიებაზე ანაზღაურების გარეშე მონაწილეობას აიძულებენ, - ამის შესახებ ოპერის დასის მომღერალთა გუნდის წევრმა, ნინო გოგინაშვილმა განაცხადა.

როგორც გოგინაშვილმა განაცხადა, დასის წევრებს 26 მაისის ღონისძიებაზე თეატრის სამხატვრო ხელმძღვანელმა დავით კინწურაშვილმა მონაწილეობის უფასოდ მიღება სთხოვა.

"დავით კინწურაშვილი პრემიერ-მინისტრის სახელით გვემუქრებოდა. იმის მაგივრად, რომ მან კომუნიკაცია გუნდთან დაამყაროს. ჩვენ უარი არ განგვიცხადებია, რომ 26 მაისის ღონისძიებაში მონაწილეობა მიგვეღო. ვაპირებთ, რომ ვიმღეროთ. მან დაგვაპირისპირა მთავრობის პირებთან. ქალბატონი მანანა ბერიკაშვილი, ერთხელაც არ დაინტერესებულა ჩვენი პრობლემებით, მიუხედავად იმისა, რომ მსგავსი პრობლემები ხშირად გვქონია. იყო შემთხვევები, როდესაც ჩატარებული ღონისძიების შემდეგ უჰონორაროდ ვბრუნდებოდით, მაგრამ ჩვენ უფლებებს არავინ იცავს. მოვითხოვთ, რომ გუნდის ხელმძღვანელი შეიცვალოს და მდგომაროება თეატრში დალაგდეს", - განაცხადა გოგინაშვილმა.

მისივე თქმით, თავდაპირველად ღონისძიებაში მონაწილეობა გარკვეული ანაზღაურების სანაცვლოდ უნდა მომხდარიყო, თუმცა მოგვიანებით ჰონორარის გადახდაზე უარი განაცხადა.

"როგორც ჩვენთვის არის ცნობილი, მან კულტურის სამინისტროში ჩაიტანა ცრუ ინფორმაცია, თითქოს ღონისძიებაში მონაწილეობაზე უარი განვაცხადეთ“, - აღნიშნა ნინო ერიაშვილმა.

ცნობისთვის, ოპერის დასის მომღერალთა გუნდმა დღეს 15:00 საათზე ოპერის თეატრის წინ, განცხადება გაავრცელა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა