საქართველოს ფინანსთა მინისტრმა, პროფესორმა ნოდარ ხადურმა ის სტუდენტები დააჯილდოვა, რომლებმაც საქართველოს დამოუკიდებლობის აღდგენის 25 წლისთავისადმი მიძღვნილი ღონისძიებების ფარგლებში, მონაწილეობა მიიღეს ფინანსთა სამინისტროს გამოცხადებულ კონკურსში თემაზე: „საქართველოს პირველ რესპუბლიკაში განხორციელებული ეკონომიკური რეფორმები და პოლიტიკა".

ფინანსთა სამინისტროს ინფორმაციით, დაჯილდოების ცერემონია თბილისის გაფორმების ეკონომიკურ ზონაში გაიმართა, სადაც ნოდარ ხადური სტუდენტებისთვის საქართველოს პირველ რესპუბლიკაში განხორციელებული ეკონომიკური რეფორმებისა და პოლიტიკის შესახებ საჯარო ლექცია წაიკითხა.

„26 მაისს, ვზეიმობთ საქართველოს დამოუკიდებლობის აღდგენის 25-ე წლისთავს. ეს არის ძალიან მნიშვნელოვანი დღე საქართველოს ისტორიაში. დღე, როცა ქართველმა ხალხმა მიაღწია თავის სანუკვარ ოცნებას - დამოუკიდებლობას, ბევრი სისხლი დაიღვარა ჩვენი ქვეყნის დამოუკიდებლობისთვის, ბევრი ადამიანის სიცოცხლე შეეწირა ამ იდეას და ჩვენი ვალია, მომავალ თაობებს დავუტოვოთ ისეთი ქვეყანა, რომელსაც თავისი შესაძლებლობები მაქსიმალურად ექნება გამოყენებული. ჩვენ ყველაფერს გავაკეთებთ ამ შესაძლებლობების ზრდისთვის", - განაცხადა ფინანსთა მინისტრმა, ნოდარ ხადურმა.

მან კონკურსში მონაწილე სტუდენტები პირადად დააჯილდოვა და სერტიფიკატები გადასცა. „ყველა ეს სტუდენტი ნამდვილად გამარჯვებულია, ვინაიდან მათ მიეცათ შესაძლებლობა, საკუთარი ნაშრომი გაეზიარებინათ ჩვენთვის ,  - აღნიშნა ფინანსთა მინისტრმა.

ფინანსთა სამინისტროს აკადემიის მხარდაჭერით, საუკეთესო სტატიის შესარჩევად კონკურსში მონაწილეობა მიიღეს სხვადასხვა უმაღლესი სასწავლებლის სტუდენტებმა.

საკონკურსო კომისიას ხელმძღვანელობდა ფინანსთა მინისტრი ნოდარ ხადური და მის შემადგენლობაში შედიოდნენ მინისტრის მოადგილეები, დეპარტამენტების ხელმძღვანელები, ფინანსთა სამინისტროს აკადემიის დირექტორი და ივ. ჯავახიშვილის სახელობის თბილისის სახელმწიფო უნივერსიტეტიდან მოწვეული პროფესორები.

სამინისტროს გადაწყვეტილებით, კონკურსში გამარჯვებული საუკეთესო სტატიები გამოიცემა კრებულის სახით. გამარჯვებული სტუდენტი კი სტაჟირებას გაივლის ფინანსთა სამინისტროში.

დღესვე, თბილისის გაფორმების ეკონომიკურ ზონაში სტუმრობისას, სტუდენტები გაეცნენ გაფორმების პროცედურებსა და სერვისებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა