სოფლის მეურნეობის მინისტრი ოთარ დანელია გაეროს სურსათისა და სოფლის მეურნეობის ორგანიზაციის (FAO) წარმომადგენელს საქართველოში რაიმუნდ ელეს შეხვდა.

სოფლის მეურნეობის სამინისტროს ინფორმაციით, შეხვედრაზე მხარეებმა  FAO-სა და საქართველოს მთავრობას შორის თანამშრომლობის ჩარჩო ხელშეკრულების მთავარი საკითხები განიხილეს. როგორც შეხვედრაზე აღინიშნა, ჩარჩო ხელშეკრულებას ხელი უახლოეს მომავალში მოეწერება.

ოთარ დანელია რაიმუნდ ელეს ევროკავშირის მიერ ქართული თაფლის კონტროლის სისტემის აღიარების შესახებ ესაუბრა და აღნიშნა, რომ ეს არის ევროკავშირის მიერ ცხოველური წარმოშობის პროდუქტების კონტროლის ნაწილში სურსათის ეროვნული სააგენტოს მუშაობის დადებითად შეფასება და სისტემის აღიარება.

შეხვედრაზე მინისტრმა ისაუბრა მეფუტკრეობის სასოფლო-სამეურნეო კოოპერატივების მხარდაჭერის სახელმწიფო პროგრამის შესახებ და კოოპერატივებისთვის სკების გადაცემის საკითხზე გაამახვილა ყურადღება.

ოთარ დანელიამ პროგრამა „ქართული ჩაის“  შესახებაც ისაუბრა და რაიმუნდ ელეს  ქვეყნის მასშტაბით ჩაის პლანტაციების მდგომარეობის შესახებ სრული ინფორმაცია მიაწოდა.

მინისტრმა აღნიშნა, რომ სახელმწიფოს მიზანია ხარისხიანი ჩაის წარმოება და საქართველოში იშვიათი ჯიშების შემოტანა-გავრცელება.

შეხვედრას სოფლის მეურნეობის მინისტრის პირველი მოადგილე ნოდარ კერესელიძე და საქართველოში გაეროს სურსათისა და სოფლის მეურნეობის ორგანიზაციის (FAO) წარმომადგენლის მოადგილე მამუკა მესხი ესწრებოდნენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა