16 მაისს, 19:00 საათზე, რესტორან "ოტიუმში",  სამი შვილის დედის, 33 წლის ანა ვანიძის სიცოცხლის გადასარჩენად, საქველმოქმედო აუქციონი და ლატარეა გაიმართება.    

აუქციონს და პრიზების გათამაშებას საქართველოში კანადის საპატიო კონსული, კლიფორდ აიზეკი გაუძღვება.

საქველმოქმედო აუქციონთან ერთად, ლატარია გაიმართება. ყველა სტუმარს, რომელიც ბილეთს შეიძენს, შესაძლებლობა ექნება პრიზების გათამაშებაში მიიღოს მონაწილეობა. ესაა შესაძლებლობა, დავეხმაროთ ანას და ამავდროულად, გავხდეთ რომელიმე საინტერესო ხელოვანის შემოქმედების ნიმუშისა და სხვადასხვა კომპანიის მიერ დაწესებული საჩუქრის მფლობელი.

გარდა ამისა, ყველა სტუმარი, რომელსაც იღბლიანი ბილეთი აღმოაჩნდება, დამატებით, კომპანია iTechnic-გან 20%-იანი ფასდაკლების ვაუჩერს მიიღებს.

საქველმოქმედო ღონისძიების მხარდამჭერები და სპეციალური პრიზები დამწესებლები არიან:

სასტუმროები -  „ლოპოტა“, „რუმსი-ყაზბეგი“, „რუმსი -თბილისი“, „ოაზისი ჩაქვი“, „ჩეკპოინტი თბილისი“, „შატო მერე“;

კომპანიები -  „ბარამბო“, „ზედაზენი“, „ჩაი გურიელი“, „სარაჯიშვილი“, „ლიდერფუდი“;

პარფიუმერული მაღაზიები -  „ვულე-ვუ“, "ისი-პარი“;

საიუველირო მაღაზია „სვაროვსკი“, ესთეტიკური რეაბილიტაციის ცენტრი -  „აურა პლუსს“, ესთეტიკური ცენტრი „ვიზუალი“, „სნეპ ფიტნესი“,

მაღაზიათა ქსელი: „ადიდასი“, „ნაიკი“, ჯორდანო“, „რიბოკი“, „პუმა“;   სუპერმარკეტების ქსელი „ეკონომიქსი“, მაღაზია iTechnic, ფრანგული საკონდიტრო მაღაზია „ბისკვიტი“, რესტორნები - „შარდენი“, "ტერასა 360“, „ხუტაროკი“.

საქველმოქმედო ლატარიაში ქეთი მატაბელის, გოგი ცაგარელის, ბადრი ვადაჭკორიას, მაია მიქაშავიძის, გიორგი აბდალაძის, მანანა ჯაფარიძისა და ზურაბ გომელაურის ნამუშევრები გათამაშდება.

ღონისძიებაზე დასწრება უფასოა. ლატარიის ბილეთის ღირებულებაა 10 ლარი. ბილეთების შეძენა შესაძლებელი იქნება რესტორან ,,ოტიუმის" ღია ეზოში.

 თქვენი მხარდაჭერა ძალიან მნიშვნელოვანია ახალგაზრდა დედის სიცოცხლის გადასარჩენად!

მისამართი: რესტორანი "ოტიუმის" ღია ეზო  კუს ტბის ასახვევი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა