ბულგარეთის დედაქალაქ სოფიაში ოფიციალური ვიზიტით მყოფმა თბილისის მერმა, დამეგობრებისა და თანამაშრომლობის მემორანდუმზე ხელმოწერის შემდეგ, ქალაქ სოფიას მთავრობის წევრებთან შეხვედრები გამართა.

თბილისის მერიის ინფორმაციით, დავით ნარმანია ადგილზე გაეცნო ბულგარეთის უდიდესი ქალაქის სატრანსპორტო სისტემის მუშაობას, მწავნე სივრცეების მოწყობისა და ეკოლოგიის საკითხებს, ასევე, მიკრობიოლოგიური ნარჩენების მართვის ტექნოლოგიებს.

თბილისის მერის განცხადებით, თბილისში თანამედროვე ტექნოლოგიებით აღჭურვილი, მყარი საყოფაცხოვრებო ნარჩენების გადამამუშავებელი ქარხნის მშენებლობისას, ნარჩენების მართვის უახლესი ტექნოლოგიებისა და თანამედროვე პრაქტიკის გაზიარება, განსაკუთრებით მნიშვნელოვანია, ისევე როგორც, საინტერესოა სოფიას მწვანე სივრცეების მოწყობის სტილი, თბილისში ახალი გამწვანებული ტერიტორიების გასავითარებლად.

გამოცდილების გაზიარების მიზნით, ვიზიტის ფარგლებში, დავით ნარმანიამ სოფიას განახლებული მეტროც დაათვალიერა. თბილისის მერმა, ახლადდამეგობრებული ქალაქის მეტროპოლიტენის ხელმძღვანელს ის დაგეგმილი სიახლეები გააცნო, რაც თბილისის მეტროს მოდერნზაციის ფარგლებში განხორციელდება.

დავით ნარმანიას ოფიციალური ვიზიტი ბულგარეთის დედაქალაქ სოფიაში დასრულებულია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა