ზემო ფონიჭალაში მდებარე №206 საბავშვო ბაღსა და გლდანის I მკ/რნ-ში, ბოჭორიშვილის ქუჩაზე მდებარე №35 საბავშვო ბაგა-ბაღში ბავშვების რეგისტრაცია 16 მაისს, 12:00 საათზე დაიწყება.

როგორც "ექსპრესნიუსს" თბილისის მერიიდან აცნობეს, მსურველებს რეგისტრაციის გავლა თბილისის ბაგა-ბაღების მართვის სააგენტოს ვებ-გვერდზე www.kids.org.ge შეუძლიათ. 

№206 საბავშვო ბაღი 260 ბავშვს მიიღებს, №35 ბაღში კი 350 პატარა შეძლებს დარეგისტრირებას.

თბილისის მერიის ინფორმაციით, აღნიშნული ბაგა-ბაღებისთვის კადრების შერჩევა დაწყებულია. ბაღები, ძირითადად, საკადრო რეზერვის შესაქმნელად გამოცხადებული კონკურსის გზით შერჩეული კადრებით, ასევე, სხვა ბაღებიდან გადმოყვანილი კვალიფიციური პერსონალით დაკომპლექტდება.

№206 საბავშვო ბაგა-ბაღი ერთ-ერთია იმ მრავალრიცხოვანი ბაღებიდან, რომლებიც გასულ წლებში დაიხურა. მისი აღდგენა-რეაბილიტაცია სააგენტომ გასულ წელს შეძლო. რაც შეეხება №35  საბავშვო ბაღს, ის 2015 წელს, განსაკუთრებით გაზრდილი მოთხოვნის გათვალისწინებით აშენდა. ორივე საბავშვო ბაღი თანამედროვე სტანდარტების გათვალისწინებით მოეწყო და აღიჭურვა.

გარდა ზემოთაღნიშნული ბაღებისა, წლის განმავლობაში თბილისში კიდევ 4 ახალი ბაღის გახსნა იგეგმება. ამასთან, წელს დედაქალაქში 10 ბაღის მშენებლობა დაიწყება. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა