გარემოსა და ბუნებრივი რესურსების დაცვის მინისტრი გიგლა აგულაშვილი განმარტავს, თუ რატომაა გარემოსდაცვით სფეროში რეიტინგში საქართველო 111-ე ადგილზე.

აგულაშვილის მტკიცებით, მედიაში უკვე გამოქვეყნებულ შეფასებით ანგარიშში არაა შესული გარემოსდაცვითი  საქმიანობის  ეფექტიანობის მესამე  შეფასების მონაცემები,  რომელიც მისივე თქმით,  მნიშვნელოვან ცვლილებას  გამოიწვევდა:

„მედიაში, სოციალურ ქსელებში ვრცელდება ინფორმაცია, რომ საქართველოს აქვს 111-ე ადგილი გარემოსდაცვით სფეროში, რეიტინგები ქვეყნდება. მინდა გითხრათ ამასთან დაკავშირებით რეალური ვითარება როგორია. იელის უნივერსიტეტის მიერ მომზადებული ანგარიშის ფარგლებში, საქართველოს 9 ინდიკატორიდან,  გაუმჯობესება აქვს  7 ინდიკატორში ამ მიამრთულებით. გასათვალისწინებელია ის გარემოებაც, რომ  ამ შეფასებაში, რომელიც გამოქვეყნებულია  უკვე  მედიაში, არ არის შესული გარემოსდაცვითი  საქმიანობის  ეფექტიანობის მესამე  შეფასების მონაცემები, რომელიც ასევე მნიშვნელოვან ცვლილებას  გამოიწვევდა ამ ინდიკატორების თაობაზე.

ჰაერის ხარისახის მონაცემები  წინა ანგარიშში გვქონდა ჯამური 75 ქულა და დღეს  გაუმჯობესება გავქვს და გვაქვს 79 ქულა; ტყის დაფარულ ფართობებზე  ცვლილებების მხრივ, საქართველომ პირველ ადგილზე გადაინაცვლა-  84 ქულიდან, ავიდა 100 ქულამდე; წყალი  და სანიტარიის ინდიკატორებში ჩვენ გვქონდა 64 ქულა და ავედით 79 ქულაზე; ბიომრავალფეროვნების ინდიკატორი-29 ქულა გვქონდა და ავედით 70 ქულამდე; კლიმატი და ენერგეტიკა-45 ქულიდან გადავინაცვლეტ 51 ქულაზე;  გადამეტებული თევზჭერის ინდიკატორში წინა წელს  იმ ანგარიშში გვეწერა 0 ქულა, ახლა გვაქვს 32  ქულა; სოფლის მეურნეობის ინდიკატორებში 58 ქულა გვქონდა და ახლა გავქვს  98 ქულა.

რეიტინგზე ყველაზე ცუდი გავლენა  იქონია იმ ფაქტმა, რომ  ჩამდინარე წყლების გაწმენდის ინდიკატორში საქართველოს უწერია 0 ქულა, რაც  გამოცემის ავტორთა ინფორმაციის  არ ქონაზე უნდა მიუთითებდეს. ჯანმრთელობაზე ზეგავლენის ინდიკატორის  დათვლა წინა ანგარიშში მოხდა ბავშვთა სიკვდილიანობის  მონაცემებით, ახალ  ანგარიშში ეს მონაცემები ამოღებულია მაშინ, როცა ამ მხრივ ქვეყანაში მდგომარეობა გაუმჯობესებულია და მხოლოდ ამ მონაცემებში გვაქვს ქულათა მცირე კლება.79 ქულიდან, ახლა გვაქვს 75 ქულამდე.

დღეს არსებობს რამდენიმე პროგრამა, რომელიც ამ რობლემის მოსაგვარებლად ხორციელდება და ეს შემდეგ აისახება ინდიკატორებში გაუმჯობესების თვალსაზირისით“,-განაცხადა გიგლა აგულაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლონდონში ანტისემიტიზმის წინააღმდეგ მასობრივი მიტინგი გაიმართა

რეჟიმის წარმომადგენელი პაპუაშვილი - ფიშერის ფაილი დახურულია, გერმანიაში მის გამგზავრებას ველოდებით

საპატრიარქოში აცხადებენ, რომ საეკლესიო კრებაზე 1 200-მდე დელეგატი იქნება

პატრიარქის არჩევასთან დაკავშირებით, 11 მაისს, 09:00 საათიდან 18:00-მდე სამების მიმდებარე ტერიტორიაზე, რამდენიმე მიმართულებით საავტომობილო მოძრაობა შეიზღუდება