2026 წლის პირველ კვარტალში საქართველოში უცხოელი ვიზიტორების ხარჯები შემცირდა.

კერძოდ, საქსტატის ინფორმაციით, ვიზიტებისას გაწეული ხარჯები 2.2 მილიარდ ლარს გაუტოლდა, რაც 5.2%-ით ნაკლებია წინა წლის ანალოგიური პერიოდის მაჩვენებელზე. ვიზიტზე საშუალო ხარჯი წლიურად 5%-ით 1 897 ლარამდე შემცირდა.

ხარჯებისგან განსხვავებით, ვიზიტებისას გათეული ღამეების საშუალო რაოდენობამ 5.87 ღამე შეადგინა, რაც 2025 წლის I კვარტალში დაფიქსირებულ მაჩვენებელზე (5.5 ღამე) 7%-ით მეტია.

რაც შეეხება სხვა მონაცემებს, I კვარტალში საქართველოს ტერიტორიაზე დაფიქსირდა საერთაშორისო არარეზიდენტი მოგზაურების 1.3 მილიონი შემოსვლა, რაც 1%-ით ნაკლებია წინა წლის ანალოგიური პერიოდის მაჩვენებელზე. აქედან საერთაშორისო ვიზიტორების მიერ განხორციელებული ვიზიტების რაოდენობამ 1.2 მილიონი შეადგინა, რაც 0.2%-ით ნაკლებია გასული წლის მონაცემებზე.

მიმდინარე წლის პირველ კვარტალში საერთაშორისო ვიზიტორების მიერ განხორციელდა 997.5 ათასი
ტურისტული ტიპის ვიზიტი, ეს წლიურ ჭრილში 4%-იანი ზრდაა.

ვიზიტორების ყველაზე დიდი რაოდენობა - 202.4 ათასი, დაფიქსირდა რუსეთიდან, რაც ვიზიტორების ჯამური რაოდენობის 20%-ს შეადგენდა. მეორე ადგილზე იყო თურქეთი 18.5%-იანი წილით, ხოლო მესამეზე - სომხეთი 12%-იანი წილით.

ავტორი: ექსპრესნიუსი,

სოციალური ქსელები

ყაზახეთმა ასტანაში გამართულ ძიუდოს გრანდ სლემში მეორე დღესაც ოქრო მოიპოვა

ესპანეთში 800 მილიონ ევროზე მეტი ღირებულების კოკაინის გადამტანი გემი დააკავეს

უნგრეთის პარლამენტზე 12 წლის შემდეგ ევროკავშირის დროშა გადმოფინეს

ჟურნალისტი გელა მთივლიშვილი წერს, რომ თავს დაესხნენ