საერთაშორისო ავტორიტეტული გამოცემა და ტელეკომპანია BBC სრულიად საქართველოს კათალიკოს პატრიარქზე უწმინდეს ილია მეორეს გარდაცვალებაზე სარედაქციო სტატიას აქვეყნებს, სადაც ნათქვამია, რომ იგი ითვლება დამოუკიდებელი საქართველოს ისტორიაში ყველაზე ავტორიტეტულ ფიგურად და ბოლო რამდენიმე ათწლეულის განმავლობაში ერის სულიერ ლიდერად.

BBC წერს, რომ  ილია II თითქმის ნახევარი საუკუნის განმავლობაში ხელმძღვანელობდა საქართველოს მართლმადიდებლურ ეკლესიას. 44 წლის ასაკში, საბჭოთა საქართველოში, როდესაც ეკლესიაში ცოტა ადამიანი დადიოდა, მან ახალი თავი გახსნა ქართული ეკლესიის ისტორიაში.

"მისი პატრიარქობის დროს ეკლესიის სამწყსო ექსპონენციურად გაიზარდა, წირვა-ლოცვა განახლდა ადრე დახურულ ეკლესიებში და აშენდა ახალი ეკლესიები მთელი ქვეყნის მასშტაბით, მათ შორის, წმინდა სამების საკათედრო ტაძარი თბილისში.

ისტორიულმა მოვლენებმაც მნიშვნელოვანი წვლილი შეიტანა ეკლესიის აღორძინებაში. მისი პატრიარქობის დროს სსრკ დაიშალა, საქართველომ დამოუკიდებლობა მოიპოვა და ომები, კონფლიქტები და პოლიტიკური არეულობა განიცადა.

საპატრიარქო ქვეყნის ერთ-ერთ ყველაზე გავლენიან ინსტიტუტად იქცა, ხოლო ილია II, გამოკითხვების თანახმად, ყველაზე ავტორიტეტული ფიგურა იყო, რომლის პოპულარობასაც პოლიტიკოსები და ლიდერები მხოლოდ შურდნენ.

თუმცა, ბოლო წლებში, ჯანმრთელობის მდგომარეობის გამო, პატრიარქი სულ უფრო იშვიათად ჩნდებოდა საზოგადოებაში, ეკლესია სკანდალების ცენტრში აღმოჩნდა და ცალკეული სასულიერო პირების, ზოგჯერ კი თავად საპატრიარქოს რიტორიკა სულ უფრო ხშირად ეწინააღმდეგებოდა მოსახლეობის უმრავლესობის მიერ არჩეულ ევროპული ინტეგრაციის კურსს. - წერს გავლენიანი BBC 

საერთაშორისო გამოცემას მოჰყავს პატრიარქის BBC-სთვის მიცემული ინტერვიუ.

„ბავშვობა საკმაოდ მკაცრ პირობებში გავატარე. ეს მეორე მსოფლიო ომი იყო. მაგრამ ამავე დროს, ბავშვობას სითბოთი ვიხსენებ. ჩემი მშობლები ღრმად რელიგიური ადამიანები იყვნენ. სახლში ყოველთვის სიმშვიდე იყო. მშობლებთან გატარებული ყველა წლის განმავლობაში ხმამაღალი სიტყვა არასდროს გამიგია“, - გაიხსენა ილია II-მ ინტერვიუში ბავშვობის წლები.

ავტორი: ექსპრესნიუსი,

სოციალური ქსელები

ლონდონში ანტისემიტიზმის წინააღმდეგ მასობრივი მიტინგი გაიმართა

რეჟიმის წარმომადგენელი პაპუაშვილი - ფიშერის ფაილი დახურულია, გერმანიაში მის გამგზავრებას ველოდებით

საპატრიარქოში აცხადებენ, რომ საეკლესიო კრებაზე 1 200-მდე დელეგატი იქნება

პატრიარქის არჩევასთან დაკავშირებით, 11 მაისს, 09:00 საათიდან 18:00-მდე სამების მიმდებარე ტერიტორიაზე, რამდენიმე მიმართულებით საავტომობილო მოძრაობა შეიზღუდება