ევროკავშირის დიპლომატმა კაია კალასმა განაცხადა, რომ ევროკავშირმა შესაძლოა ირანის წინააღმდეგ ახალი სანქციები დააწესოს ანტისამთავრობო პროტესტების სასტიკი ჩახშობის შემდეგ, რასაც შესაძლოა ასობით ადამიანის სიცოცხლე შეეწირა.

კალასმა ეს განცხადება Politico-სთან ინტერვიუში გააკეთა.

ევროკავშირის უმაღლესმა დიპლომატმა გაიხსენა, რომ ირანის წინააღმდეგ სანქციები უკვე მოქმედებს ადამიანის უფლებების დარღვევის, ბირთვული იარაღის გავრცელებისა და უკრაინაში რუსეთის ომის მხარდაჭერის გამო.

„და მე მზად ვარ შევთავაზო დამატებითი სანქციები რეჟიმის მიერ მომიტინგეების სასტიკი ჩახშობის საპასუხოდ“, - ხაზგასმით აღნიშნა მან.

კალასის კომენტარი ევროკავშირის ოფიციალური პირის ყველაზე მკაცრი პასუხია ირანში პროტესტების სისხლიან ჩახშობაზე.

ევროკომისიის პრეზიდენტმა ურსულა ფონ დერ ლაიენმა შაბათ-კვირას განაცხადა, რომ ბრიუსელი „აკვირდება“ სიტუაციას, ხოლო ევროპარლამენტის პრეზიდენტმა რობერტა მეცოლამ X-ში დაწერა, რომ „ევროპამ უნდა აღიაროს თავისი მოვალეობა და მოქმედების აუცილებლობა“.

„რეჟიმს აქვს პროტესტების ჩახშობის ისტორია და ჩვენ ვხედავთ უსაფრთხოების ძალების მკაცრ რეაგირებას. მოქალაქეები იბრძვიან მათთვის არჩეული მომავლისთვის და ყველაფერს რისკავენ, რომ მოისმინონ“, - დასძინა კალასმა.

ამასობაში, მედიაში გავრცელებული ინფორმაციით, აშშ-ის პრეზიდენტი დონალდ ტრამპი ირანში სამხედრო მოქმედებების რამდენიმე პოტენციურ ვარიანტს განიხილავს მას შემდეგ, რაც ანტისამთავრობო პროტესტების ჩახშობის შედეგად ათობით ადამიანი დაიღუპა.

ბოლო დღეებში ტრამპმა არაერთხელ დაიმუქრა ჩარევით და გააფრთხილა ირანის ხელმძღვანელობა დემონსტრანტების წინააღმდეგ ძალის გამოყენების წინააღმდეგ. შაბათს ტრამპმა განაცხადა, რომ შეერთებული შტატები მზადაა დაეხმაროს ირანელებს თავისუფლების მოპოვებაში.

ავტორი: ექსპრესნიუსი,

სოციალური ქსელები

ISFED: „ქართულმა ოცნებამ“ 2025 წელს ყველა სხვა პარტიაზე მეტი — 26.5 მილიონი ლარი მიიღო

ოლიმპიურმა ჩემპიონმა და ყოფილმა დეპუტატმა ზურაბ ზვიადაურმა საპატიმრო დატოვა

ბრიტანეთმა რუსეთის წინააღმდეგ ახალი სანქციები დააწესა უკრაინაში ომისა და სომხეთის არჩევნებში ჩარევის მცდელობის გამო

მეუფე შიო - მრავალჯერ გვიფიქრია, როგორ გაუმკლავდეს ეკლესია თანამედროვე გამოწვევებს