საბანკო სექტორში  განთავსებული არასაბანკო დეპოზიტების მოცულობამ 2016 წლის 1 მარტისთვის 14.6 მილიარდ ლარს გადააჭარბა, რაც 73.8 მლნ ლარით ანუ 0.5% მეტია პირველი თებერვლისთვის არსებულ მაჩვენებელზე (გაცვლითი კურსის ცვლილების ეფექტის გარეშე 0.3 პროცენტით). 

როგორც "ექსპრესნიუსს" საქართველოს ეროვნული ბანკიდან აცნობეს, თებერვალში, წინა თვესთან შედარებით, ადგილი ჰქონდა ვადიანი დეპოზიტების ზრდას 35.5 მლნ ლარით ანუ 0.4% (გაცვლითი კურსის ცვლილების ეფექტის გარეშე 0.2 %), ხოლო მოთხოვნამდე დეპოზიტები 38.3 მლნ ლარით, ანუ 0.6 % გაიზარდა (გაცვლითი კურსის ცვლილების ეფექტის გარეშე 0.5 პროცენტით).   

ეროვნული ბანკის ინფომრაციით, დეპოზიტების ლარიზაციის კოეფიციენტმა მიმდინარე წლის 1 მარტისთვის 28.21% შეადგინა - 1 თებერვლის მდგომარეობასთან შედარებით 0.45 % პუნქტით ნაკლები (გაცვლითი კურსის ეფექტის გამორიცხვით, 0.41 % პუნქტით ნაკლები).

ვადიან დეპოზიტებზე საშუალო წლიურმა შეწონილმა საპროცენტო განაკვეთმა 5.3 პროცენტი შეადგინა, მათ შორის ეროვნული ვალუტით განთავსებულ დეპოზიტებზე - 10.8 %, ხოლო უცხოური ვალუტით განთავსებულ დეპოზიტებზე - 3.9 %.

უცხოური ვალუტით განთავსებულ დეპოზიტებში აშშ დოლარის წილმა 81.6 %, ხოლო ევროს წილმა 15.4% შეადგინა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ივანიშვილის წარმომადგენელი მახაშვილი საფრანგეთში მიღებულ რეზოლუციაზე - უამრავი ტყუილი, ბრალდებაა და ამ აბსურდის საფუძველზე არის მოწოდებები

ნიკა გვარამია: არაფერი საწინააღმდეგო რევოლუციის არ მაქვს, უბრალოდ ვნახე, ამის რესურსები გვაქვს თუ არა

ჟორჟოლიანი - გამოიკვეთა 15 პირველადი მოხმარების პროდუქტი, რომელიც ქსელურ მარკეტებში ფასდაკლებით იქნება ხელმისაწვდომი

თბილისში ქუჩაში არჩევდნენ მოქალაქეებს და ინტერნეტბანკინგიდან ფულს ირიცხავდნენ ე.წ ქურდულ სამყაროსთან კავშირში მყოფი 44 პირი დააკავეს - ვიდეო