ვაკის გამგებელი ნოდარ ტურძელაძე დაბა წყნეთში, დევნილთა დასახლებაში იმყოფებოდა, სადაც მე-2 კორპუსის (A ზონა) გამაგრებითი სამუშაოები ჩატარდა.

თბილისის მერიის ინფორმაციით, დაზიანებული ფუნდამენტი შეიცვალა მონოლითური რკინა-ბეტონის საძირკვლით, ამოივსო ბზარები, შეილესა კედლები, მოეწყო ტროტუარი.

„15 წელზე მეტია, რაც აქ სამუშაოები არ ჩატარებულა. თანადაფინანსებული პროექტების ფარგლებში, გამგეობამ კაპიტალური გამაგრებითი სამუშაოები განახორციელა; არის კიდევ რამდენიმე პრობლემური კორპუსი, რომლებიც, ასევე საჭიროებს რეაბილიტაციას; უახლოეს დღეებში დაიწყება სამუშაოები გაგრის ქუჩაზე, III ჩიხის მე-5 კორპუსში; იგეგმება, ასევე, მაია წყნეთელის შესახვევში #21-ე კორპუსის გამაგრებითი სამუშაოები“, - განაცხადა ნოდარ ტურძელაძემ.

მერიის ცნობით, კორპუსში, რომელიც კაპიტალურად გამაგრდა, 8 ოჯახი ცხოვრობს. „ბინათმესაკუთრეთა ამხანაგობების განვითარების ხელშეწყობის პროგრამის‘‘ ფარგლებში სარეაბილიტაციო სამუშაოების 90% ვაკის რაიონის გამგეობამ, 10% კი დევნილთა სამინისტრომ დააფინანსა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დიდი შვიდეულის ლიდერები შეთანხმდნენ, რომ ნავთობისა და გაზის საშუალებით რუსეთზე ზეწოლას გააძლიერებენ

ტრამპმა ირანთან შეთანხმების გამო რუსული ნავთობის წინააღმდეგ სანქციების აღდგენის შესახებ განაცხადა

თიბისი კაპიტალმა მაკროეკონომიკური განახლება გამოაქვეყნა

Marneuli News: დაცვის თანამშრომელი, რომელიც 11 აპრილს სამსახურებრივი უფლებამოსილების შესრულებისას სცემეს, გარდაიცვალა