2016-03-15 16:10:07, 575 ნახვა
საზოგადოება
ვლადიმერ პაპავასა და თვითმმართველობის წევრების შეხვედრა უშედეგოდ დასრულდა
თსუ-ს რექტორს ვლადიმერ პაპავასა და თვითმმართველობის წარმომადგნელბეს შორის შეხვედრა შეიძლება ითქვას, რომ უშედეგოდ დასრულდა.
როგორც შეხვედრის შემდეგ ვლადიმერ პაპავამ ჟურნალისტებს განუცხადა, თავად გადადგომას არ აპირებს და საკუთარ კაბინეტში მუშაობას გააგრძელებს.
მისივე თქმით, არც თვითმმართველობის წარმომადგენლები აპირებენ მოთხოვნების შეცვლას. ისინი აკადემიური საბჭოს ოთახში შიმშილობას გააგრძელებენ.
ვლადიმერ პაპავა შექმნილი სიტუაციიდან გამოსავალს დიალოგის გაგრძელებაში ხედავს. ამასთან პაპავა მოუწოდებს ყველა იმ ადამინს ვინც არ არის თბილისის სახელმწიფო უნივერსიტეტის თანამშრომელი და სტუდენტი, დატოვოს შენობა, რაც მისივე შეფასებით სიტუაციის დეესკალაციას ხელს შეუწყობს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
