ჯანდაცვის სამინისტროსა და „გლობალ ალიანსის“ ერთობლივ ინიციატივას - „რა გაწუხებთ?“ ეხმაურება პარლამენტარი, „ქართული ოცნება-რესპუბლიკელების“ წევრი ვახტანგ ხმალაძე:

„იმის ცოდნა, რა არის მოსახლეობისთვის მთავარი პრობლემები, მნიშვნელოვანია, რათა სწორად დაიგეგმოს, სამომავლოდ, სად, რა და რა მოცულობით უნდა გაკეთდეს. მოდით, ასე ვთქვათ, შესაძლებლობებსაც აქვს ზღვარი. სახელმწიფოს შეუძლია გარკვეული რაოდენობის სამუშაოს შესრულება, გნებავთ, ადამიანური რესურსის გათვალისწინებით, გნებავთ, ფინანსურის. როგორც წესი, საჭიროება ყველგან და ყოველთვის უფრო მეტია, ვიდრე ამ სურვილების დაკმაყოფილების შესაძლებლობა. ამიტომ უნდა გაკეთდეს პრობლემების, მოთხოვნების, აუცილებლობის სწორი იდენტიფიცირება. არის რაღაც, რაც პრიორიტეტული უნდა იყოს, რადგან მეტ საფრთხეს შეიცავს. ასეთი გამოკითხვა იმის მცდელობაა, რომ მოხდეს იდენტიფიცირება და სწორად განისაზღვროს პრიორიტეტები“.

ხმალაძე  ასევე აცხადებს, რომ მნიშვნელოვანია, ინიციატივაში ბევრმა ადამიანმა მიიღოს მონაწილეობა, რათა შედეგი სარწმუნო იყოს: „სასურველი შედეგი იმ შემთხვევაში მიიღწევა, თუ კი მოპასუხეთა რიცხვი კრიტიკულ რაოდენობაზე  მეტი იქნება. უფრო მარტივად რომ ვთქვათ, თუ ამ ინიციატივაში მონაწილეობა მხოლოდ ასმა კაცმა მიიღო, შედეგებს არ ექნება სანდოობის მაღალი ხარისხი. ამიტომ ბევრმა ადამიანმა უნდა თქვას, რა აწუხებს, რათა შეგვეძლოს ვთქვათ, რომ სტატისტიკურად სარწმუნო შედეგი გვაქვს“.

სოციალური აქციის მიზანია, მოსახლეობის  საჭიროებების გამოვლენა. ინიციატივას დადებითად აფასებს და მნიშნელოვანს უწოდებს  მსახიობი დიმა ჯაიანი: „რა გაწუხებთ?“ უდიდესი მნიშვნელობის ინიციატივაა. როგორც ვიცი, ახალი წამოწყებაა და დიდი იმედი მაქვს, პროექტი  წარმატებით მოიკიდებს ფეხს და განვითარდება“.

მსახიობი ზოგადად ჯანდაცვის სამინისტროს საქმიანობასაც გამოეხმაურა და აღნიშნა, რომ დადებითად აფასებს სტრუქტურის საქმიანობას და მიღწევებს:

„მგონია, რომ ყველაზე დიდი მიღწევა ჩვენს ქვეყანაში ჯანდაცვის სამინისტროს და ბატონ სერგეენკოს აქვს. იდეალური ვარიანტია, როგორი უნდა იყოს მინისტრი. ამიტომ, მათი ყოველი წამოწყება გარკვეული ინოვაცია და ახლისკენ გადადგმული ნაბიჯია. მე მხოლოდ მივესალმები ჯანდაცვის სამინისტროს საქმიანობას, რადგან მიმაჩნია, რომ ისინი აკეთებენ საქმეს, რაც წარმატებული ხვალინდელი დღისათვის აუცილებელია“.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თიბისი კაპიტალმა მაკროეკონომიკური განახლება გამოაქვეყნა

Marneuli News: დაცვის თანამშრომელი, რომელიც 11 აპრილს სამსახურებრივი უფლებამოსილების შესრულებისას სცემეს, გარდაიცვალა

დიდი შვიდეულის სამიტზე უკრაინის პრეზიდენტი ტრამპსა და რუბიოს შეხვდა

შსს-ს ახალი სამმართველოს საჩივრის საფუძველზე, ნიკა გვარამიას შეურაცხყოფის ფაქტზე, მოქალაქეს 2000-ლარიანი ჯარიმა დაეკისრა