საქართველოს მეხუთე პრეზიდენტთან, სალომე ზურაბიშვილთან, შესახვედრად პატიმრების მშობლები და ოჯახის წევრები მივიდნენ. დაკავებულების ახლობლები პირდაპირ ამბობენ, რომ ახლა სალომე ზურაბიშვილის დახმარების იმედი აქვთ, რომელიც მათ წუხილს და გზავნილებს მიუნჰენში, ევროპარლამენტარებს ჩაუტანს.

„რაც გუშინ საბამ თავისი წამების შესახებ მოყვა, ჩემთვის პირადად დამანგრეველი იყო და წამაქცია ამ ფაქტმა, მაგრამ მაინც მხნედ ვიქნები ამათ ჯინაზე და მაინც კარგად ვიქნები. აუცილებლად აგებს ყველა პასუხს კანონის წინაშე, გარდაუვალია. რა თქმა უნდა, ისევ თქვენი დახმარებით, ისევ ქალბატონი სალომეს დახმარებით და სრულიად საქართველოს დახმარებით,“ - ამბობს სხვიტარიძის დედა.

პატიმარ ანდრო ჭიჭინაძის დედა ამბობს, რომ სალომე ზურაბიშვილის როლი ქვეყნის შიგნითაც და გარეთაც ძალიან დიდია. მისი თქმით, იდგებიან პრეზიდენტის გვერდით ისევე, როგორც ზურაბიშვილი დგას მათ გვერდით.

„ჩვენი პრეზიდენტის, სალომე ზურაბიშვილის როლი ძალიან დიდია ქვეყნის შიგნით და ქვეყნის გარეთაც. ის ჩვენ გვიდგას გვერდზე და ჩვენ მას დავუდგებით გვერდზე. იტალიის ელჩს მივმართე მწვავე კითხვებით. ცხოვრობს თუ არა ის საქართველოში, უყურებს თუ არა გარშემო რა ხდება და არალეგიტიმური მთავრობის საგარეო საქმეთა მინისტრთან ჩახუტებული ფოტო, ეს იყო ჩემთვის აბსოლუტურად ამორალური, ჩემთვისაც და ყველასთვის“, - ამბობს ანდრო ჭიჭინაძის დედა.

ონისე ცხადაძის ძმა მიიჩნევს, რომ მნიშვნელოვანია, პრეზიდენტმა ევროპარლამენტარებს უთხრას, რომ ქვეყანას კრიმინალური "ბანდა" მართავს, რომელიც მხოლოდ საკუთარ ვიწრო პოლიტიკური ინტერესი აქვთ და ხალხის ბედი არ აღელვებთ.

„მე პირადად იმედი მაქვს, რომ პრეზიდენტი აუხსნის ევროპარლამენტარებს, როგორ გვმართავს ჩვენ „ბანდა“, კრიმინალური დაჯგუფება, რომელსაც თავისი ვიწრო პოლიტიკური ინტერესი აქვს და არ აინტერესებს არც ბავშვი, არც დიდი, არც ქალი, არც ჟურნალისტი და არავინ და აქ არის აბსოლუტური განუკითხაობა,“ - ამბობს ონისე ცხადაძის ძმა. 

ცნობისთვის, სალომე ზურაბიშვილი ამ წუთებში ფინანსისტებს და ეკონომისტებს ხვდება, რის შემდეგაც შეხვედრას უკვე სინდისის პატიმრების მშობლებთან გამართავს. 

ავტორი: ექსპრესნიუსი,

სოციალური ქსელები

ტრამპი ფაშინიანს არჩევნებში გამარჯვებას ულოცავს

როგორ შეცვალა ციფრულმა განვადებამ E-commerce გაყიდვები საქართველოში

ივანიშვილის ყოფილი პირადი მცველი შს მინისტრის მოადგილედ დაინიშნა

ნანუკა ჟორჟოლიანი ენმ-სთან კონსულტაციებს ადასტურებს