2025-01-07 11:08:50, 352 ნახვა
მსოფლიო
ტიბეტში მიწისძვრის შედეგად დაღუპულთა რაოდენობა 53-მდე გაიზარდა, დაშავებულია 62 პირი
ტიბეტში მიწისძვრის შედეგად დაღუპულთა რაოდენობა 53-მდე გაიზარდა, დაშავებულია 62 პირი. მიწისქვეშა ბიძგების სიმძლავრე 6,8 მაგნიტუდას შეადგენდა.
ბიძგები ასევე იგრძნობოდა მეზობელ ნეპალში, ბუტანსა და ინდოეთში. ჩინეთის ხელისუფლების მონაცემებით, მიწისძვრა, ადგილობრივი დროით, დილის 09:05 საათზე მოხდა. ეპიცენტრი კი ტინგრის რაიონში იყო, ევერესტის მთიდან ჩრდილოეთით, დაახლოებით 80 კილომეტრში.
ჩინეთის პრეზიდენტმა, სი ძინპინმა განაცხადა, რომ ყოვლისმომცველი სამძებრო, სამაშველო სამუშაოები უნდა ჩატარდეს მსხვერპლის რაოდენობის შესამცირებლად და დაზარალებულთა სათანადო დახმარებისთვის.
ავტორი: ექსპრესნიუსი,
epn.ge (@expressnews.ge)
