2024-11-06 09:54:49, 405 ნახვა
მსოფლიო
ტრამპმა მოიგო მერყევი შტატი ჯორჯია - CNN და NBC გამოთვლები
პრეზიდენტობის კანდიდატმა "რესპუბლიკური პარტიიდან" დონალდ ტრამპმა არჩევნები მოიგო ჯორჯიაში, რომელიც მერყევ შტატად ითვლებოდა.შტატი საკვანძო იყო საერთო გამარჯვებისთვის - ამის შესახებ, ამერიკულმა კომპანიებმა CNN და NBC განაცხადეს.
ჯორჯია საარჩევნო კოლეგიაში 16 დელეგატს აგზავნის.
ჯორჯია გახდა მეორე შვიდი სვინგ (მერყევი) შტატიდან, სადაც ტრამპმა გაიმარჯვა: Associated Press-ის გათვლებით, მან ჩრდილოეთ კაროლინაც მოიგო.
დანარჩენი ხუთივე შტატში ტრამპი ლიდერობს. თუმცა, კენჭისყრის ოფიციალური საბოლოო შედეგები არცერთ მათგანში ჯერ არ გამოცხადებულა.
ბოლო საპრეზიდენტო არჩევნებში ჯო ბაიდენმა ჯორჯიაში ტრამპს მხოლოდ 11 800 ხმით აჯობა, შტატი, რომელიც მანამდე რესპუბლიკელებს 30 წლის განმავლობაში აძლევდა ხმას.
ავტორი: ექსპრესნიუსი,
epn.ge (@expressnews.ge)
