ტელემედიცინის პროექტის პილოტირების ფარგლებში, აჭარის ჯანმრთელობისა და სოციალური დაცვის მინისტრი, ნინო ნიჟარაძე პირველ მოადგილესთან, მარი ზანაქიძესთან ერთდ, საქართველოში გაეროს ახალ მუდმივ კოორდინატორს, დიდიე ტღებიუკის და გაეროს მოსახლეობის ფონდის (UNFPA) საქართველოს ოფისის ხელმძღვანელს, მარიამ ბანძელაძეს შეხვდა. ამის შესახებ ინფორმაციას აჭარის ჯანდაცვა ავრცელებს.

აჭარის ჯანდაცვის ცნობით, შეხვედრა გაცნობით ხასიათს ატარებდა. მინისტრი გაეროს წარმომადგენელს ესაუბრა სამინისტროს საქმიანობის შესახებ, განიხილეს ტელემედიცინის პროექტის მიმდინარეობა.

"საქართველოში ციფრული ტექნოლოგიების პოტენციალის ზრდის მიზნით, მიმდინარეობს ევროკავშირისა და გაეროს ერთობლივი პროექტი სახელწოდებით „საქართველოში COVID-19 პანდემიის უარყოფითი ზეგავლენის მინიმუმამდე შემცირება ტელე-მედიცინისა და ციფრული სამედიცინო ტექნოლოგიების”.

პროექტის ფარგლებში აჭარის ჯანმრთელობისა და სოციალური დაცვის სამინისტროსა და გაეროს მოსახლეობის ფონდს (UNFPA) შორის გაფორმებულია ურთიერთთანამშრომლობის მემორანდუმი. მემორანდუმის ფარგლებში ტელემედიცინის პროექტის პილოტირება აჭარის ავტონომიურ რესპუბლიკაში დაიწყება.

პირველ ეტაპზე დაიწყება შემდეგი ინსტრუმენტების პილოტირება: ალტერნატიული ონლაინ ანტენატალური ვიზიტების და ექსპერტთა ელექტრონული ჰაბის დანერგვა, რომელის საშუალებითაც ადგილობრივ მეან-გინეკოლოგებს საშუალება ექნებათ მოიძიონ მეორე ესქპერტული მოსაზრება ქვეყნის წამყვან დედათა ჯანმრთელობის სფეროს სპეციალისტებისაგან", - ნათქვამია ინფორმაციაში.

ავტორი: NS (სტატია დაფინანსებულია),

სოციალური ქსელები

ლონდონში ანტისემიტიზმის წინააღმდეგ მასობრივი მიტინგი გაიმართა

რეჟიმის წარმომადგენელი პაპუაშვილი - ფიშერის ფაილი დახურულია, გერმანიაში მის გამგზავრებას ველოდებით

საპატრიარქოში აცხადებენ, რომ საეკლესიო კრებაზე 1 200-მდე დელეგატი იქნება

პატრიარქის არჩევასთან დაკავშირებით, 11 მაისს, 09:00 საათიდან 18:00-მდე სამების მიმდებარე ტერიტორიაზე, რამდენიმე მიმართულებით საავტომობილო მოძრაობა შეიზღუდება