2024-09-12 11:20:53, 361 ნახვა
საზოგადოება
სოფელ დიღომში, რუსთაველის ქუჩაზე საგზაო სამუშაოები მიმდინარეობს
საბურთალოს რაიონში ინფრასტრუქტურული პროექტების განხორციელება აქტიურ რეჟიმში მიმდინარეობს - ამჯერად, საგზაო სამუშაოები სოფელ დიღომში, რუსთაველის ქუჩაზე ხორციელდება. ამის შესახებ ინფორმაციას დედაქალაქის მერია ავრცელებს.
მერიის ცნობით, სამუშაოების შედეგად, 3 000 კვ. მ ფართობზე ასფალტის ორფენიანი საფარი იგება.
"შედეგად, მოსახლეობისთვის გადაადგილება უფრო კომფორტული გახდება.
პროექტისთვის საბურთალოს რაიონის გამგეობის ბიუჯეტიდან 250 000 ლარია გამოყოფილი. სამუშაოებს კომპანია "ელიზი“ ახორციელებს.
მიმდინარე სამუშაოებს საბურთლოს რაიონის გამგებელი გიზო ვასაძე და თბილისის საკრებულოს წევრი აკაკი ალადაშვილი გაეცნენ",- ნათქვამია ინფორმაციაში.
ავტორი: NS (სტატია დაფინანსებულია),
epn.ge (@expressnews.ge)
