ამბობენ, რომ მისი ყველაზე დიდი უპირატესობა ის არის, რომ ლამაზი ქალია. ამაზე არასდროს მიფიქრია. მე მასზე უკეთ გამოვიყურები,- ამის შესახებ ამერიკის შეერთებული შტატების ყოფილმა პრეზიდენტმა და "რესპუბლიკური პარტიის" პრეზიდენტობის კანდიდატმა, დონალდ ტრამპმა ვიცე-პრეზიდენტსა და "დემოკრატიული პარტიის" საპრეზიდენტო კანდიდატზე, კამალა ჰარისზე საუბრისას განაცხადა.

როგორც ტრამპმა პენსილვანიის შტატში, ამომრჩევლებთან შეხვედრისას აღნიშნა, ჰარისმა ქვეყნის მოქმედ პრეზიდენტ ჯო ბაიდენს საპრეზიდენტო კანდიდატურა "მოპარა" და ბაიდენს ჰარისი "სძულს".

"არასდროს უწოდო ქალს ლამაზი, რადგან ეს შენი პოლიტიკური კარიერის დასასრული იქნება, მაგრამ მე ვამბობ, რომ მე ბევრად უკეთ გამოვიყურები, ვიდრე კამალა. ამბობენ, მისი ყველაზე დიდი უპირატესობა ის არის, რომ ლამაზი ქალია. ამაზე არასდროს მიფიქრია. მე მასზე უკეთ გამოვიყურები",- თქვა ტრამპმა, რომელმაც ჰარისის ეკონომიკური პოლიტიკაც გააკრიტიკა.

"გუშინ კამალამ წარმოადგინა თავისი ე.წ. ეკონომიკური გეგმა. ის ამბობს, რომ პირველივე დღიდან შეამცირებს საკვებისა და საცხოვრებლის ღირებულებას, მაგრამ კამალას პირველი დღე სამწელიწად-ნახევრის წინ იყო",- განაცხადა ტრამპმა.

ექსპრეზიდენტმა ასევე აღნიშნა, რომ კამალა ჰარისთან დებატებს "მოუთმენლად ელის".

შეგახსენებთ, მანამდე, ამერიკის შეერთებული შტატების ყოფილმა პრეზიდენტმა და პრეზიდენტობის კანდიდატმა, დონალდ ტრამპმა ვიცე-პრეზიდენტსა და საპრეზიდენტო კანდიდატ კამალა ჰარისს ილონ მასკთან ინტერვიუში ლამაზი ქალი უწოდა.

ავტორი: ექსპრესნიუსი,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა