უკრაინის შეიარაღებული ძალები რუსეთში, კურსკის ოლქში 100 კვადრატულ კილომეტრს აკონტროლებენ. ამის შესახებ ინფორმაციას გამოცემა Washington Post-ი უკრაინის პრეზიდენტის, ვოლოდიმირ ზელენსკის მრჩეველზე დაყრდნობით ავრცელებს.

ზელენსკის მრჩეველმა, რუსეთის შიგნით უკრაინის სამხედრო აქტივობა დაადასტურა და აღნიშნა, რომ მისმა ძალებმა სამ დღეში, დაახლოებით, 100 კილომეტრის მოცულობის ტერიტორია დაიკავეს.

მისივე ინფორმაციით, უკრაინელებმა ასობით ტყვე აიყვანეს და აიღეს ბენზინგასამართი სადგური, რომელსაც რუსეთი უნგრეთსა და სლოვაკეთთან ენერგოტრანზაქციებისთვის იყენებს.

ამერიკის შეერთებული შტატების პრეზიდენტის, ჯო ბაიდენის ადმინისტრაციაში განაცხადეს, რომ უკრაინის ოპერაცია აშშ-სგან მიღებული იარაღით ხორციელდება.

“უკრაინელები ცდილობენ, ხელი შეუშალონ რუსული ძალების გადაადგილებას ხარკოვის რეგიონში სუმის სამხრეთ-აღმოსავლეთით“,- განაცხადა ამერიკელმა ოფიციალურმა პირმა.

ავტორი: ექსპრესნიუსი,

სოციალური ქსელები

უკრაინამ ექვს თვეში გააორმაგა განადგურებული რუსული საჰაერო თავდაცვის სისტემების რაოდენობა.

უკრაინის ზაკარპატიის რეგიონზე დრონებით თავდასხმის გამო უნგრეთის საგარეო საქმეთა სამინისტრომ რუსეთის ელჩი დაიბარა

ალექსანდრიის პატრიარქი შიო III-ს: გილოცავთ და თქვენი დღეგრძელობისთვის ვლოცულობთ

ირაკლი შაიშმელაშვილმა აშშ-ში პოლიტიკური თავშესაფარი მიიღო