ბანგლადეშში, ქალაქ ჯაშორში მდებარე სასტუმრო Zabeer International-ს დემონსტრანტებმა ცეცხლი წაუკიდეს, რის შედეგადაც, სულ მცირე, 18 ადამიანი დაიღუპა. ამის შესახებ ინფორმაციას უცხოური მედია ქალაქის სახანძრო სამსახურზე დაყრდნობით ავრცელებს.

მედიის ცნობით, ხანძრის შედეგად, 10-მდე ადამიანია დაშავებული.

“სასტუმროში, რომელიც სავარაუდოდ, პარტია Awami League გენერალურ მდივანს, შაჰინ ჩაკლადარს ეკუთვნოდა, ხანძარი საღამოს 4 საათისთვის გაჩნდა. სახანძრო სამსახურის ხელმძღვანელის ინფორმაციით, ხანძრის ლოკალიზება საღამოს 8 საათისთვის შეძლეს“,- წერს მედია.

შეგახსენებთ, ბანგლადეშში, რამდენიმე დღეა, საპროტესტო აქციები მიმდინარეობს. დემონსტრანტები პრემიერ-მინისტრ შეიხ ჰასინას გადადგომას ითხოვდნენ. აქციის მონაწილეებსა და პოლიციას შორის შეტაკებებიც მოხდა, რასაც სულ მცირე, 90 ადამიანი ემსხვერპლა. 2 დღის წინ, ქვეყნის მასშტაბით კომენდანტის საათი დაწესდა, რკინიგზამ კი მუშაობა შეაჩერა.

გუშინ, 5 აგვისტოს შეიხ ჰასინამ პრემიერ-მინისტრის თანამდებობიდან გადადგომის გადაწყვეტილება მიიღო და შემდეგ ქვეყანა დატოვა. არსებული ინფორმაციით, ის ინდოეთში გადავიდა და აპირებს, თავშესაფარი დიდ ბრიტანეთს სთხოვოს.

ავტორი: ექსპრესნიუსი,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა