ამერიკის შეერთებული შტატები, კანადა, დიდი ბრიტანეთი, საფრანგეთი, შვედეთი და იორდანია მოუწოდებენ საკუთარ მოქალაქეებს, დაუყოვნებლივ დატოვონ ლიბანი. ამის შესახებ ინფორმაციას BBC ავრცელებს.

როგორც დიდი ბრიტანეთის საზოგადოებრივი მაუწყებელი იტყობინება, მოქალაქეების მიმართ გაფრთხილება ახლო აღმოსავლეთში ომის დაწყების საშიშროებას უკავშირდება.

გუშინ, აშშ-ის საელჩომ განაცხადა, რომ "ის, ვინც ლიბანში დარჩენას გადაწყვეტს, უნდა მოემზადოს იმისთვის, რომ თავის შეფარება დიდი ხნის განმავლობაში მოუწევს". 

დიდმა ბრიტანეთმა კი მოუწოდა მოქალაქეებს, ლიბანი დატოვონ მანამ, სანამ "კომერციული ფრენები ჯერ კიდევ ხორციელდება".

ქვეყნის საგარეო საქმეთა მინისტრმა, დევიდ ლამიმ არ გამორიცხა, რომ რეგიონში ვითარება "სწრაფად გაუარესდეს".

შეგახსენებთ, ახლო აღმოსავლეთში მზარდი დაძაბულობაა მას შემდეგ, რაც 27 ივლისს, ისრაელის მიერ კონტროლირებად გოლანის მაღლობებზე, ქალაქ მაჯდალ-შამსზე სარაკეტო შეტევა განხორციელდა, რასაც სულ მცირე, 12 ადამიანის სიცოცხლე ემსხვერპლა. ისრაელმა თავდასხმაში ბრალი ლიბანში მოქმედ "ჰეზბოლას" დასდო და საპასუხო ზომებითაც დაიმუქრა. თავად დაჯგუფებამ იერიშთან რამე კავშირი უარყო.

30 ივლისს, ისრაელმა ლიბანის დედაქალაქ ბეირუთზე საჰაერო თავდასხმა განახორციელა, რასაც "ჰეზბოლას" მეთაური ფუად შუქრი ემსხვერპლა.

შუქრის დაღუპვიდან რამდენიმე საათში, ირანის დედაქალაქ თეირანში ტერორისტული დაჯგუფება "ჰამასის" პოლიტიკური ლიდერი ისმაილ ჰანიე მოკლეს, რის შემდეგაც ირანის სულიერმა ლიდერმა, აიათოლა ალი ხამენეიმ განაცხადა, რომ ირანი ისრაელზე "შურს იძიებდა".

ავტორი: ექსპრესნიუსი,

სოციალური ქსელები

ფოდოროვი - უკრაინა მიიღებს შორ მანძილზე მოქმედ არტილერიას, ფრთოსან რაკეტებს და დრონების მხარდაჭერას

ევროკავშირის ლიდერები შეთანხმდნენ, რომ რუსეთის წინააღმდეგ სანქციები ორჯერ გაახანგრძლივონ

ბულგარეთის პრორუსულმა პრემიერ-მინისტრმა პირობა დადო, რომ ვეტოს დაადებს ევროკავშირის ახალ სანქციების პაკეტს რუსეთის წინააღმდეგ.

აშშ-ის საზღვაო ძალებმა ირანის საზღვაო ბლოკადა დაასრულეს