2024-08-01 09:58:52, 430 ნახვა
მსოფლიო
ნეთანიაჰუ - ბეირუთზე თავდასხმის შემდეგ ყველა მხრიდან მუქარა ისმის - ნებისმიერი სცენარისთვის მზად ვართ
ისრაელი ნებისმიერი სცენარისთვის მზად არის,- ამის შესახებ ქვეყნის პრემიერ-მინისტრმა, ბენიამინ ნეთანიაჰუმ მოქალაქეების მიმართვის დროს განაცხადა.
ნეთანიაჰუმ აღნიშნა, რომ ლიბანის დედაქალაქ ბეირუთზე თავდასხმის შემდეგ "ყველა მხრიდან მუქარა ისმის".
"ისრაელის მოქალაქეებო, რთული დღეები წინაა. ბეირუთზე თავდასხმის შემდეგ მუქარა ისმის ყველა მხრიდან. ჩვენ მზად ვართ ნებისმიერი სცენარისთვის და ჩვენ ვიდგებით ერთიანად, მტკიცედ ნებისმიერი საფრთხის წინააღმდეგ“,- განაცხადა ისრაელის პრემიერ-მინისტრმა.
ნეთანიაჰუ, რომელიც ამბობს, რომ "ომს დრო დასჭირდება", ისრაელის მოქალაქეებისგან მოთმინებას ითხოვს.
შეგახსენებთ, ისრაელმა ლიბანის დედაქალაქ ბეირუთზე თავდასხმა 30 ივლისს განახორციელა, რასაც "ჰეზბოლას" უმაღლესი სამხედრო მეთაური ფუად შუქრი ემსხვერპლა.
ავტორი: ექსპრესნიუსი,
epn.ge (@expressnews.ge)
