საქართველოს შინაგან საქმეთა მინისტრმა გიორგი მღებრიშვილმა და საქართველოს ფეხბურთის ფედერაციის პრეზიდენტმა ლევან კობიაშვილმა ურთიერთთანამშრომლობის მემორანდუმს მოაწერეს ხელი.

შსს-ს ინფორმაციით, მემორანდუმის მიზანია, მხარეებს შორის თანამშრომლობის გაღრმავების გზით, საფეხბურთო სფეროში დანაშაულის პრევენცია, გამოვლენა, აღკვეთა და ჯანსაღი ცხოვრების წესის პოპულარიზაცია.

შინაგან საქმეთა სამინისტრო და საქართველოს ფეხბურთის ფედერაცია, თავიანთი კომპეტენციის ფარგლებში, ერთმანეთს გამოცდილებას გაუზიარებენ, საფეხბურთო სფეროში დანაშაულის პრევენციისთვის სათანადო რეკომენდაციებსა და წინადადებებს შეიმუშავებენ. მხარეები ასევე ითანამშრომლებენ საფეხბურთო გუნდების მიერ უკანონო გარიგებისა და მატჩებთან დაკავშირებული სხვადასხვა დანაშაულის გამოვლენისა და აღკვეთის მიზნით.

საჭიროების შემთხვევაში, უწყებები ერთობლივად განიხილავენ და შეიმუშავებენ საფეხბურთო სფეროსთან დაკავშირებული ნორმატიული აქტების პროექტებსა და სხვა დოკუმენტებს. აღნიშნული მემორანდუმის ფარგლებში დაიგეგმება ერთობლივი სწავლებები, ტრენინგ-კურსები და საზოგადოებრივი ცნობიერების ასამაღლებელი ღონისძიებები.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სერბეთის პრეზიდენტი კათოლიკოს შიო III-ს შეხვდა

ყაველაშვილი: საქართველო დაინტერესებულია დასავლეთ ბალკანეთის ქვეყნებთან ურთიერთობების გაფართოებით

მაისიდან მოყოლებული, უკრაინის შეიარაღებულმა ძალებმა ყირიმისკენ მიმავალ „სახმელეთო ხიდზე“ საწვავის ცისტერნებსა და სატვირთო მანქანებზე დაახლოებით 200 დარტყმა განახორციელეს.

Amnesty International - საქართველოში სამოქალაქო თავისუფლებები შემცირდა