საქართველოს იუსტიციის სამინისტროს მმართველობის სფეროში მოქმედი სსიპ „დანაშაულის პრევენციის ცენტრი“ საზოგადოებრივ ცენტრებში სხვადასხვა თემატურ შეხვედრებს  განაგრძობს.

დანაშაულის პრევენციის ცენტრის ინფორმაციით, დაბა კაზრეთსა და სოფელ  კოდაში „სამოქალაქო ჩართულობისა და მოხალისეობის განვითარების ხელშეწყობის მიზნით“ ადგილობრივი საჯარო სკოლების მოსწავლეებისთვის ტრენინგი ჩატარდა. ახალგაზრდებმა  მიიღეს ინფორმაცია აქტიური მოქალაქეების როლის შესახებ საკუთარ თემსა და ქვეყანაში,  გაეცნენ მოხალისეობრივ საქმიანობის ღირებულებებს. ტრენინგები ინფორმაციულ ნაწილთან ერთად დატვირთული იყო პრაქტიკული სავარჯიშოებით, რაც მონაწილეებს საშუალებას აძლევდა  უშუალოდ ჩართულიყვნენ პროცესში, ჯგუფურად მუშაობისას გამოერკვიათ საკუთარი როლი თემისა თუ  სოფლის განვითარების პროცესში.

როგორც ცნობილია, სსიპ „დანაშაულის პრევენციის ცენტრის“ ერთ-ერთი მნიშვნელოვანი მიმართულებაა ახალგაზრდებში სამოქალაქო და სამართლებრივი ცნობიერების ამაღლება, მოხალისეობრივი კულტურის განვითარების ხელშეწყობა. ამ მიზნით ტრენინგები უკვე ჩატარდა გურიისა და აჭარის საზოგადოებრივ ცენტრებში.

საზოგადოებრივი ცენტრების განვითარება საქართველოში იუსტიციის სამინისტროს სახელმწიფო სერვისების განვითარების სააგენტოს ერთ-ერთი ინიციატივაა. საზოგადოებრივი ცენტრების მიზანია მოსახლეობისთვის სახელმწიფო სერვისებზე ხელმისაწვდომობის გაზრდა და სოფლის განვითარებისთვის შესაბამისი გარემოს შექმნა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სერბეთის პრეზიდენტი კათოლიკოს შიო III-ს შეხვდა

ყაველაშვილი: საქართველო დაინტერესებულია დასავლეთ ბალკანეთის ქვეყნებთან ურთიერთობების გაფართოებით

მაისიდან მოყოლებული, უკრაინის შეიარაღებულმა ძალებმა ყირიმისკენ მიმავალ „სახმელეთო ხიდზე“ საწვავის ცისტერნებსა და სატვირთო მანქანებზე დაახლოებით 200 დარტყმა განახორციელეს.

Amnesty International - საქართველოში სამოქალაქო თავისუფლებები შემცირდა