2024-06-21 10:48:13, 661 ნახვა
ომი უკრაინაში
რუსეთის თავდაცვა - საჰაერო ძალებმა 114 უკრაინული დრონი გაანადგურეს
რუსეთის საჰაერო თავდაცვის ძალებმა, გვიან ღამით, 114 უკრაინული უპილოტო საფრენი აპარატი ჩამოაგდეს. ამის შესახებ ინფორმაციას რუსული სამთავრობო-პროპაგანდისტული მედია, „რია ნოვოსტი“ რუსეთის თავდაცვის სამინისტროზე დაყრდნობით ავრცელებს.
მათივე ცნობით, საჰარეო სისტემებმა 70 დრონი ყირიმისა და შავი ზღვის ტერიტორიაზე გაანადგურეს, 43 - კრასნოდარის, ხოლო 1 - ვოლგოგრადის ოლქის ტერიტორიაზე.
„გასული ღამის განმავლობაში აღიკვეთა კიევის რეჟიმის მცდელობა, განეხორციელებინა ტერორისტული თავდასხმა უპილოტო კატარღებისა და თვითმფრინავის ტიპის უპილოტო საფრენი აპარატების გამოყენებით რუსეთის ფედერაციის ტერიტორიაზე, სამიზნეების წინააღმდეგ“,- ნათქვამია ინფორმაციაში.
ავტორი: ექსპრესნიუსი,
epn.ge (@expressnews.ge)
