უნგრეთის პრემიერ-მინისტრ ვიქტორ ორბანის პარტიამ, Fidesz ბოლო 2 ათწლეულის განმავლობაში ყველაზე ცუდი შედეგი აჩვენა. ამის შესახებ ინფორმაციას Reuters-ი ავრცელებს.

მედიის ცნობით, პირველადი შედეგების მიხედვით, ორბანის პარტიამ და მისმა მოკავშირე „ქრისტიან-დემოკრატებმა" ხმების 44.2%-ით ევროპარლამენეტში 11 ადგილი მოიპოვეს, ხოლო მანამდე 13 მანდატს ფლობდნენ.

მათივე ინფორმაციით, მეორე ადგილზე მემარჯვენე-ცენტრისტული პარტია „ტიზა“ გავიდა, რომელმაც ევროპარლამენტში 7 ადგილი ხმების 30%-ით მიიღო, რაც ყველა ოპოზიციური პარტიის მიერ მოპოვებულ ხმებზე მეტია.

„ეს შედეგი არის ორბანის ძალაუფლების ქარხნის ვატერლოო, დასასრულის დასაწყისი. რაც მოხდა პოლიტიკური მეწყერია“, - განაცხადა „ტიზას“ ლიდერმა, პიტერ მაგიარმა.

თავის მხრივ, ორბანმა მხარდამჭერებს მიმართა და აღნიშნა, რომ ეს შედეგები უნგრეთში დემოკრატიის სიძლიერეზე მიუთითებს.

„საომარ სიტუაციასა და რთულ ბრძოლაში მნიშვნელოვანი გამარჯვებები მოვიპოვეთ“, - უთხრა ორბანმა თავის მხარდამჭერებს.

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია