2024-04-02 19:56:39, 618 ნახვა
ომი უკრაინაში
ბლინკენი - უკრაინა რუსეთთან ომის კრიტიკულ მომენტში იმყოფება და დასავლეთისგან მეტი მხარდაჭერა სჭირდება
უკრაინა რუსეთთან ომის კრიტიკულ მომენტში იმყოფება და დასავლეთისგან მეტი მხარდაჭერა სასწრაფოდ სჭირდება, - ამის შესახებ აშშ-ის სახელმწიფო მდივანმა, ენტონი ბლინკენმა საფრანგეთში ვიზიტის დროს განაცხადა.
როგორც ბლინკენმა აღნიშნა, რაც შეიძლება სწრაფად უნდა შესრულდეს დამატებითი დახმარების შესახებ მოთხოვნა, რომლითაც პრეზიდენტმა ჯო ბაიდენმა აშშ-ის კონგრესს მიმართა.
„აუცილებელია, უკრაინელებს მივაწოდოთ ის, რაც მათ სჭირდებათ საკუთარი თავის დასაცავად, განსაკუთრებით მაშინ, როდესაც საქმე ეხება საბრძოლო მასალას და საჰაერო თავდაცვას. ეს არის კიდევ ერთი მიზეზი იმისა, რომ რაც შეიძლება სწრაფად უნდა შესრულდეს დამატებითი დახმარების შესახებ მოთხოვნა, რომლითაც პრეზიდენტმა ჯო ბაიდენმა აშშ-ის კონგრესს მიმართა“, - განაცხადა ბლინკენმა.
ავტორი: ექსპრესნიუსი,
epn.ge (@expressnews.ge)
