„ლიბერთი“, ქართულ საფინანსო სექტორთან ერთად,   ტრადიციულად წელსაც შეუერთდა  გლობალურ ინიციატივას - „დარეკე ზარი გენდერული თანასწორობისთვის", რომელიც გაეროს ქალთა ორგანიზაციის მიერ ჩატარდა.

ღონისძიება, საქართველოში უკვე მეშვიდედ გაიმართა და მეწარმე ქალებისთვის ფინანსებზე ხელმისაწვდომობისა და ინვესტიციების გაზრდას მიეძღვნა.

ქალთა მეწარმეობის ხელშეწყობაში, გენდერული თავისებურებების გათვალისწინებას მნიშვნელოვანი როლის შესრულება შეუძლია. სამწუხაროდ, საქართველოში ქალები ფინანსებზე ხელმისაწვდომობის პროცესში, არაერთ ბარიერს აწყდებიან, რაც ხელს უშლით მათ არა მარტო დაიწყონ ან განავითარონ  ბიზნესსაქმიანობები, არამედ საკუთარი წვლილი შეიტანონ თემების ცხოვრების გაუმჯობესებაში, სამუშაო ადგილების შექმნაში, სიღარიბის შემცირებასა და მთლიანად ქვეყნის ეკონომიკის განვითარებაში.

„მოხარული ვარ, რომ მონაწილეობა მივიღეთ გაეროს ქალთა ორგანიზაციის ყოველწლიურ ღონისძიებაში - „დარეკე ზარი გენდერული თანასწორობისთვის".

„ლიბერთი“ ერთ-ერთი პირველი ორგანიზაციაა საქართველოში, რომელიც შეუერთდა გაეროს ქალთა გაძლიერების პრინციპებს. მჯერა, რომ ქალთა ეკონომიკური გაძლიერება პირდაპირ აისახება ქვეყნის GDP-ს მაჩვენებლის გაუმჯობესებაზე. ეს კი ნიშნავს, რომ ქალების როლი მეტად მნიშვნელოვანია ქვეყნის ეკონომიკის  განვითარებაში. ქალთა ეკონომიკური გაძლიერებისთვის „ლიბერთი“  ინვესტიციებს ახორციელებს ისეთ ინიციატივებში, რომელიც  უზრუნველყოფს ქალებისთვის განათლების ხელშეწყობას და ფინანსური წიგნიერების ამაღლებას", - განაცხადა ვატო ბაბუნაშვილმა, „ლიბერთის“ გენერალური დირექტორის მოადგილე, ფინანსური დირექტორი. 

ღონისძიებაში მონაწილეობდნენ გაეროს ქალთა ორგანიზაციის წარმომადგენელი საქართველოში კაორი იშიკავა, IFC-ის რეგიონული მენეჯერი სამხრეთ კავკასიაში ივანა ფერნანდეს დუარტე, ნორვეგიის ელჩი საქართველოში ბერგლიოტ ჰოვლანდი, საქართველოს საფონდო ბირჟის დირექტორის მოვალეობის შემსრულებელი ნინო ქურდიანი, საერთაშორისო და ადგილობრივი საფინანსო სექტორის წარმომადგენლები და ბიზნესგაერთიანებების წევრები.

ინიციატივა, პროექტის „კარგი მმართველობა გენდერული თანასწორობისთვის საქართველოში" ქალთა ეკონომიკური გაძლიერების კომპონენტის ნაწილია, რომელიც ნორვეგიის მთავრობის მხარდაჭერით ხორციელდება.

ავტორი: R (რეკლამა),

სოციალური ქსელები

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს

მოქალაქეების 71% მხარს უჭერს ქვეყნის ევროკავშირში გაწევრიანებას, თუმცა 49% მიიჩნევს, რომ საქართველო ევროინტეგრაციის პროცესში არასწორი მიმართულებით მიდის

ლელო: სააკაშვილის განცხადება პოლიტიკური განხეთქილების შექმნის მცდელობაა