2024-03-13 17:29:01, 1476 ნახვა
ომი უკრაინაში
სირსკი - აღმოსავლეთ ფრონტზე ოპერატიული ვითარება კვლავ რთულია
აღმოსავლეთ ფრონტზე ოპერატიული ვითარება კვლავ რთულია,- ამის შესახებ უკრაინის შეიარაღებული ძალების მთავარსარდალმა, ალექსანდრ სირსკიმ განაცხადა.
როგორც სირსკი ამბობს, რუსეთი განაგრძობს შეტევით მოქმედებებს და ძირითად ძალისხმევას ტერნას, ივანოვსკოეს, ბერდიჩის, ტონენკოეს, ვერბოვოსა და რობოტინოს რაიონებისკენ მიმართავს.
"ვიმუშავე ორ ბრიგადაში, სადაც თანდათან რთულდება გარემოება და არსებობს მტრის დანაყოფების ჩვენი საბრძოლო დანაყოფების სიღრმეში წინსვლის საფრთხე",- აცხადებს შეიარაღებული ძალების მთავარსარდალი.
სირსკის თქმით, ფრონტის სხვა სექტორებში რუსეთის აქტივობა შესამჩნევად შემცირდა, რაც მისი ვარაუდით, ოკუპანტების დანაკარგის ზრდამ გამოიწვია.
ავტორი: ექსპრესნიუსი,
epn.ge (@expressnews.ge)
