2024-02-16 17:23:40, 1014 ნახვა
მსოფლიო
ურსულა ფონ დერ ლაიენი ნავალნიზე - ეს არის შეხსენება, თუ რა არის პუტინი და მისი რეჟიმი
ძალიან შეწუხებული და დამწუხრებული ვარ ალექსეი ნავალნის გარდაცვალების შესახებ ცნობით, - ამის შესახებ ევროკომისიის პრეზიდენტი ურსულა ფონ დერ ლაიენი სოციალურ ქსელ X-ზე წერს.
ევროკომისიის პრეზიდენტის თქმით, „ეს არის შეხსენება, თუ რა არის პუტინი და მისი რეჟიმი".
„პუტინს საკუთარ ხალხში უთანხმოების გარდა არაფრის ეშინია. ეს არის საშინელი შეხსენება იმისა, თუ რა არის პუტინის რეჟიმი. მოდი, გავერთიანდეთ ჩვენ ბრძოლაში, რათა დავიცვათ მათი თავისუფლება და უსაფრთხოება, ვინც გაბედავს ავტოკრატიის წინააღმდეგ წინსვლას“, - წერს ევროკომისიის პრეზიდენტი.
შეგახსენებთ, რომ ცოტა ხნის წინ რუსეთის სასჯელაღსრულების ფედერალურმა სამსახურმა რუსი ოპოზიციონერის, ალექსეი ნავალნის გარდაცვალების შესახებ ინფორმაცია გაავრცელა.
ავტორი: ექსპრესნიუსი,
epn.ge (@expressnews.ge)
