სი ძინპინი - ჩინეთ-რუსეთის ურთიერთობების შენარჩუნება და განვითარება სტრატეგიული არჩევანია

2023-12-20 11:10:36, 988 ნახვა

მსოფლიო

რუსეთის პრემიერ-მინისტრი მიხაილ მიშუსტინი პეკინში ჩინეთის სახალხო რესპუბლიკის ლიდერს, სი ძინპინს შეხვდა. ამის შესახებ ინფორმაციას France-24 ავრცელებს.

როგორც გამოცემა ჩინეთის სახელმწიფო მაუწყებელზე CCTV-ზე დაყრდნობით იტყობინება, შეხვედრისას სი ძინპინმა მიშუსტინს უთხრა, რომ რუსეთთან მჭიდრო კავშირების შენარჩუნება "სტრატეგიული არჩევანია".

"ჩინეთ-რუსეთის ურთიერთობების შენარჩუნება და განვითარება ორივე მხარის მიერ გაკეთებული სტრატეგიული არჩევანია, რომელიც ეფუძნება ორი ხალხის ფუნდამენტურ ინტერესებს",- განაცხადა ჩინეთის პრეზიდენტმა.

სი ძინპინმა ასევე თქვა, რომ ქვეყნებმა "უწყვეტად უნდა გააძლიერონ მაღალი დონის პოლიტიკური კავშირების დადებითი ეფექტი და გააღრმაონ თანამშრომლობა ეკონომიკის, ვაჭრობის, ენერგეტიკისა თუ სხვა სფეროებში".

France-24-ის ცნობით, თავის მხრივ, მიშუსტინმა მის კოლეგასთან, პრემიერ ლი ჩიანგთან დისკუსიის დროს განაცხადა, რომ მოსკოვსა და პეკინს შორის ურთიერთობამ "ყველა დროის მაქსიმუმს" მიაღწია.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,